Armenııada kólik satyp alǵan Qazaqstan azamattaryna jalǵan qujattar berilip kelgen

EREVAN. QazAqparat – Armenııa ulttyq qaýipsizdik qyzmeti (UQQ) Qazaqstan men Reseı azamattaryna kólikter satý kezinde jaǵan qujattar daıyndalǵanyn jáne berilgenin anyqtady. Bul týraly «QazAqparat» HAA menshikti tilshisi Armenııa Respýblıkasy UQQ baspasóz qyzmetine silteme jasap habarlaıdy.

Armenııanyń Ulttyq qaýipsizdik qyzmeti jedel-izdestirý sharalary barysynda anyqtaǵandaı, eldegi Jaýapkershiligi shekteýli qoǵamdastyqtyń dırektory gazballondy jabdyǵy bar kólikterdi basqarýǵa kýálikterdiń jalǵan kóshirmelerin, sondaı-aq avtokólikke gazballondy jabdyq ornatylmastan, oǵan sertıfıkattar berip kelgen. Bul jalǵan qujattar keıinnen Armenııada kólik alǵan Qazaqstan men Reseı azamattaryna satylyp kelgen.

Budan bólek, AR UQQ osy elde avtomobıl satyp alǵan Qazaqstan men Reseı azamattaryna tehnıkalyq tekserýden ótý týraly jalǵan talondardy ótkizip kelgen armenııalyqty anyqtady.

Atalǵan faktiler boıynsha AR UQQ Tergeý basqarmasy qylmystyq is qozǵady. Tergeý júrip jatyr.