Armenııada 7 jeltoqsan Apat qurbandaryn eske alý kúni dep jarııalandy

EREVAN. QazAqparat - Armenııa úkimeti 7 jeltoqsandy Spıtak zilzalasy qurbandaryn eske alý jáne apattardy joıý kúni dep jarııalady, dep habarlaıdy «QazAqparat» HAA-nyń menshikti tilshisi.

Alapat zilzalanyń otyz jyldyǵyna oraı, Gıýmrı qalasynda estelik sharasy boldy.

Armenııa Mınıstrler kabıneti 7 jeltoqsanda Gıýmrıde «Meıramdar, estelik kúnder týraly» zańǵa ózgerister engizý máselesine arnalǵan kezekten tys otyrys ótkizdi.  Úkimettiń sheshimimen, 7 jeltoqsan Spıtak zilzalasy qurbandaryn eske alý jáne apattardy joıý kúni dep jarııalandy.

Osydan 30 jyl buryn, 1988 jyly 7 jeltoqsanda jergilikti ýaqytpen saǵat 11.41-de Armenııanyń soltústik-batys bóliginde qýatty jer silkinisi boldy. Jarty mınýttyń ishinde respýblıkanyń soltústigi tutas qırap qaldy. 1 mıllıon halyq turatyn aýmaq qıraǵan úıindi astynda qaldy. Joıqyn tabıǵı apattyń saldarynan eldiń óndiristik qýatynyń 40%-y isten shyqty.

    Zilzala oshaǵyna týra kelgen Spıtak qalasynda dúmpý qýaty 12 baldyq shkala boıynsha 10 balǵa jetti. Qalamen qosa onyń mańaıyndaǵy eldi mekender tolyǵymen, Lenınakan (Gıýmrı), Stepanavan, Kırovakan (Vanadzor) qalalary, sondaı-aq 300 eldi meken jartylaı qırady.

Resmı málimetterge sáıkes, jer silkinisiniń saldarynan 25 myń adam qaza taýyp, 19 myń adam múgedekke aınaldy, 514 adam baspanasyz qaldy.

Alapat apattan birer saǵattan keıin Armenııaǵa KSRO quramyna kiretin respýblıkalardyń barlyǵy kómek kórsete bastady. Burynǵy odaqtyń túkpir-túkpirinen 40 myńnan astam maman men áskerı qyzmetshiler qutqarý jumystaryna tartyldy.

Jalpy, álemniń 100-den astam eli qutqarý qondyrǵylaryn, azyq-túlik, dári-dármek jiberip, mamandaryn attandyrdy. Álemdegi barlyq armıan dıasporalary Armenııaǵa kómek kórsetý úshin kóptegen uıymdar qurdy.