Armenııada 17 adam metanoldan ýlanyp kóz jumdy

EREVAN. ARMENPRESS-QazAqparat - 31 tamyz ben 5 qyrkúıek aralyǵynda Armenııada ishimdikten (metanol) ýlanýǵa qatysty 46 oqıǵa tirkelgen. 17 adam kóz jumsa, 16 naýqas emdelip shyqqan, dep habarlaıdy QazAqparat Armenpress agenttigine silteme jasap.

Armenııa Densaýlyq saqtaý mınıstrliginiń málimetinshe, aýrýhanalarda qazir ishimdikten ýlanǵan 13 naýqas emdelip jatyr. Olarda nevrologııa sımptomy (júrek aıný, esinen taný, bas aınalý) baıqalady, 3 naýqas komatozdy jaǵdaıda, 3 naýqastyń kózi kórmeı qalǵan. Metanol iship ýlanǵandarda osyndaı belgiler baıqalady.

Mınıstrlik belgisiz ishimdik, úıde ázirlengen araq-sharap, dárihana, dúkennen alynǵan markalanbaǵan spırtti ishýden saqtaný kerektigin eskertti.

Metıl spırtin ishken jaǵdaıda toksıkalyq zattyń mólsherine qaraı ýlaný belgisi birneshe saǵattan 1-2 kún aralyǵynda paıda bolady. Joǵaryda aıtylǵan belgi baıqalǵan jaǵdaıda dereý dárigerge qaralý kerek.