Armenııa jańa atom elektr stantsııasyn salmaqshy

<p>ASTANA. KAZINFORM &mdash; Armenııanyń aýmaqtyq basqarý jáne ınfraqurylym mınıstri Gnel Sanosıan Armenııada jańa atom elektr stansasyn salýǵa daıyndyq jumystaryn júrgizýge shaqyrdy. Bul týraly G.Sanosıan qurylysshylar kúnine arnalǵan shara barysynda málimdedi.</p>

Qurylysshylar kúni qarsańynda Erevanda saltanatty shara ótti, onyń barysynda Armenııanyń aýmaqtyq ákimshilik jáne ınfraqurylym mınıstri sala mamandaryna arnaǵan sózinde olardy mańyzdy jáne aýqymdy joba — jańa atom elektr stantsııasynyń qurylysyna daıyndalýǵa shaqyrdy.

– Men taǵy bir mańyzdy jobaǵa nazar aýdaryp, soǵan daıyndalýǵa shaqyrǵym keledi. Áńgime Armenııadaǵy jańa atom elektr stantsııasynyń qurylysy týraly bolyp otyr. Bul aýqymdy joba elimizdiń barlyq qurylys salasyn jumyldyrýy kerek. Bul jobaǵa birge daıyndalýymyz kerek. Kóptegen qurylys kompanııalary ózderiniń kásibı áleýetiniń jáne jańa tehnologııalardy engizýdiń aıtarlyqtaı ósýin kórsetip jatqanyn qýana atap ótkim keledi», - dedi mınıstr G.Sanosıan.

Atom energııasy Armenııadaǵy negizgi energııa kózderiniń biri. Qazirgi ýaqytta elde Armenııa atom elektr stantsııasy jumys isteıdi, onyń birinshi energoblogy sonaý 1976 jyly, al ekinshisi 1980 jyly kommertsııalyq paıdalanýǵa berildi.

Armenııanyń atom elektr stantsııasy 2016 jyly jumysyn aıaqtaýy kerek edi, biraq aýqymdy modernızatsııa arqyly onyń paıdalaný merzimi 2026 jylǵa deıin uzartyldy. Sońǵy boljam boıynsha, stantsııa 2036 jylǵa deıin jumys isteı alady.

Respýblıkadaǵy jalpy elektr energııasyn óndirýdegi Armenııa atom elektr stantsııasynyń úlesi shamamen 40% quraıdy.