Armenııa Premer-Mınıstri Qazaqstan Prezıdentine quttyqtaý hat joldady

EREVAN.QazAqparat - Armenııa Premer-Mınıstri Nıkol Pashınıan Qazaqstan Respýblıkasynyń Prezıdenti Qasym-Jomart Toqaevqa quttyqtaý joldady, dep habarlaıdy QazAqparat tilshisi Armenııa mınıstrler kabıneti basshysynyń baspasóz qyzmetine silteme jasap.

Armenııa Premer-Mınıstri quttyqtaýynda Prezıdentke aldaǵy eńbegine tabys, zor densaýlyq, al Qazaqstan halqyna beıbitshilik pen órkendeý tiledi.

«Qazaqstan táýelsizdik alǵannan beri aıtarlyqtaı jetistikterge jetip, ekonomıkasy serpindi damyp kele jatqan el retinde halyqaralyq arenada laıyqty orny bar memleket.

Ekijaqty jáne kópjaqty, onyń ishinde perspektıvaly jobalardy iske asyrýǵa baǵyttalǵan ózara tıimdi yntymaqtastyqty qurý jónindegi birlesken kúsh-jiger bizdiń elderimizdiń múddesine tolyqtaı qyzmet etetinine senim bildiremin», - dedi Nıkol Pashınıan.