Armenııa Palestınany resmı túrde moıyndady

<p>ASTANA. KAZINFORM &ndash; Armenııa Palestınanyń táýelsizdigin moıyndady. Eldiń syrtqy ister mınıstrliginiń málimdemesinde Erevan halyqaralyq quqyq pen halyqtardyń teńdigi, egemendigi jáne beıbit qatar ómir súrý qaǵıdattaryn ustanatynyn rastaıtyny aıtylǵan.</p>

«Armenııa Respýblıkasy Taıaý Shyǵysta beıbitshilik pen turaqtylyqty ornatýǵa, evreı jáne palestınalyq halyqtar arasynda turaqty kelisim ornatýǵa shyn nıetpen múddeli. Biz ártúrli halyqaralyq platformalarda Palestına máselesin beıbit jáne jan-jaqty retteýdi, Izraıl-Palestına qaqtyǵystaryn sheshýdegi eki memlekettiń prıntsıpin qoldaımyz», - delingen habarlamada.

Sondaı-aq Armenııa basshylyǵy bul qadam palestınalyqtar men ızraıldikterdiń zańdy tilekterin júzege asyrýyn qamtamasyz etýdiń jalǵyz joly ekenine senimdi ekeni aıtylǵan.

Esterińizge salsaq, buǵan deıin Slovenııa Palestına memleketin resmı túrde moıyndaǵan edi. 

Sondaı-aq Slovenııa úkimeti de Palestınany táýelsiz memleket retinde tanýǵa sheshim qabyldady.