Armenııa men Ázerbaıjan qarýly shabýylǵa birin-biri aıyptady

<p>ÁZERBAIJAN. KAZINFORM &ndash; Bir kún buryn Ázerbaıjan men Armenııa shekarasynda qarýly qaqtyǵys boldy. Saldarynan qaza tapqandar men jaralanǵandar bar.</p>

Ázerbaıjan Syrtqy ister mınıstrligi 12 aqpan kúni Armenııa qarýly kúshteriniń arandatýy nátıjesinde Ázerbaıjan memlekettik shekara qyzmetiniń bir sarbazy jaralanǵanyn habarlady. Osyǵan oraı 13 aqpanda Ázerbaıjan memlekettik shekara qyzmeti «ese qaıtarý operatsııasyn» júrgizdi.

«Operatsııa nátıjesinde Gafan aýdany Nerkın-And eldi mekeni mańyndaǵy Armenııa qarýly kúshteriniń áskerı beketi tolyǵymen joıyldy. Ol jerde bir kún buryn bizdiń áskerı qyzmetkerlerimizge qarsy oq jaýdyrǵan», - delingen vedomstvo habarlamasynda.

Ázerbaıjan Qorǵanys mınıstrligi buǵan deıin 12 aqpan kúni saǵat 20:50-de jáne 23:40-ta Armenııa Qarýly Kúshteriniń bólimsheleri Tovýzgalın aýdanynyń Chınarly eldi mekenine qaraı atys qarýynan Ázerbaıjan armııasynyń Tovýz aýdanynyń Kohanabı eldi mekenine qaraı oq atqany týraly habarlaǵan bolatyn.

Armenııa SІM aqpannyń 13-i kúni Ázerbaıjan tarapynan jasalǵan shabýyldan eki adam qaza tapqanyn habarlady.

«Armıan jaǵynda qaza tapqan jáne jaralanǵan 2 áskerı qyzmetker bar. Ázerbaıjan Armenııa Respýblıkasyna qarsy negizsiz zańsyz agressııasyn jalǵastyryp jatyr», - dep jazdy Armenııa Syrtqy ister mınıstrliginiń Erekshe tapsyrmalar jónindegi elshisi Edmon Marýkıan X platformasynda.

Armenııanyń Qorǵanys mınıstrligi 13 aqpanda Ázerbaıjan tarapy Máskeý ýaqytymen 08:30-da Sıýnık oblysynyń Nerkın-Handa aýdanyndaǵy armıan jaýyngerlik pozıtsııalary baǵytynda atystardy toqtatqanyn habarlady.

Buǵan deıin 11 aqpanda Ázerbaıjan Syrtqy ister mınıstrligi Armenııa premer-mınıstri Nıkol Pashınıannyń The Telegraph gazetine bergen suhbatyna túsinik berdi.

Syrtqy saıasat vedomstvosy armıan Úkimeti basshysynyń málimdemesin «kezekti negizsiz jala jabý» dep baǵalady jáne Armenııany halyqaralyq mindettemelerdi saqtaýǵa jáne beıbit protseske sózben emes, is júzinde úles qosýǵa shaqyrdy.

Esterińizge sala keteıik, 2023 jyldyń 19 qyrkúıeginde Ázerbaıjan «konstıtýtsııalyq tártipti qalpyna keltirý» maqsatynda Qarabaqta «jergilikti sıpattaǵy terrorızmge qarsy is-sharalardyń» bastalǵanyn jarııalady.

Jaýyngerlik is-qımyldar nátıjesinde tanylmaǵan Taýly Qarabaq Respýblıkasynyń basshylyǵy «qalǵan armıan áskerılerin» Qarabaqtan shyǵarýǵa, «Taýly Qarabaqtyń qorǵanys armııasynyń» qurylymdaryn taratýǵa jáne tolyǵymen qarýsyzdandyrýǵa jáne aýyr áskerı tehnıkalar men qarý-jaraqtardy aýmaqtan shyǵarýǵa kelisti.

Armıan halqy jappaı kóshe bastady. 30 qyrkúıekke qaraı Qarabaqtan Armenııaǵa 100 myńnan astam bosqyn keldi. Ázerbaıjan Qarabaqtaǵy armıan ókilderimen aımaqty qaıta biriktirý týraly kelissózderdi bastady.