Armenııa men AQSh strategııalyq seriktestik týraly qujatqa qol qoıdy

<p>ASTANA.IAZINFORM - Qujatqa Armenııa syrtqy ister mınıstri Ararat Mırzoıan men AQSh memlekettik hatshysy Entonı Blınken qol qoıdy, dep habarlady <a href="https://armenpress.am/ru/article/1209493" target="_blank" rel="noopener">Armenpress</a>.</p>

Qujatqa qol qoıý rásimi Vashıngtonda Armenııa Syrtqy ister mınıstrligi basshysy men AQSh Memlekettik hatshysynyń kezdesýi aıasynda ótti.

AQSh Memlekettik hatshysy Entonı Blınken qujatqa qol qoıý Armenııa men Amerıka Qurama Shtattarynyń qarym-qatynasyndaǵy mańyzdy kezeń ekenin atap ótti.

- Biz AQSh-Armenııa strategııalyq áriptestik komıssııasyn quryp jatyrmyz. Bul bizge ártúrli salalardaǵy yntymaqtastyqty keńeıtýge múmkindik beredi, máselen ekonomıkalyq máseleler, qaýipsizdik jáne qorǵanys, demokratııa, taǵy basqa, - dedi Blınken.

Ararat Mırzoıannyń aıtýynsha, Armenııa men AQSh arasyndaǵy strategııalyq áriptestik týraly qujat yntymaqtastyqtyń berik negizin qalaıdy.

- Qujat ekonomıkalyq jáne energetıkalyq baılanystardy, kommýnıkatsııalardy nyǵaıtý, qorǵanys pen qaýipsizdik salasyndaǵy yntymaqtastyqty tereńdetý, demokratııalyq ınstıtýttardy nyǵaıtý, ádilettilik pen zań ústemdigin ilgeriletý, ınnovatsııalar men joǵary tehnologııalardy damytý, sondaı-aq adamdar arasyndaǵy baılanysty keńeıtý sııaqty kóptegen salalardy qamtıdy,- dep atap ótti ol.

Mırzoıan eki el arasyndaǵy ortaq qundylyqtar men ózara múddelerge negizdelgen qarym-qatynastar sońǵy jyldary aıtarlyqtaı damyǵanyn atap ótti.

Buǵan deıin Armenııa úkimeti EO-ǵa kirý protsesin bastaý týraly zań jobasyn maquldaǵan bolatyn. Zań jobasy el Parlamentine daýys berýge jiberildi. Azamattardyń bastamashyl toby usynǵan zań jobasyna sáıkes, Armenııa EO-ǵa kirý protsesiniń bastalǵanyn jarııalaıdy.

Armenııanyń Ekonomıka mınıstri el úkimetiniń EO-ǵa kirý úderisiniń bastalýy týraly zań jobasyn maquldaýy aıasynda Armenııanyń EAEO-dan shyǵý yqtımaldyǵyna túsinik berdi.