Armenııa Bas shtaby bastyǵynyń burynǵy orynbasary qamaýǵa alyndy
Armenpresstiń habarlaýynsha, Armenııa Tergeý komıtetiniń Bas áskerı tergeý basqarmasynyń asa mańyzdy isterdi tergeý bólimi qylmystyq is júrgizý sheńberinde Tıran Hachatrıannyń 2020 jylǵy 7-17 qazan aralyǵynda áskerı jaǵdaı kezinde óziniń qyzmettik mindetterin oryndaýǵa nemquraıly qaraǵany týraly naqty málimetter aldy.
- Armenııa Respýblıkasy Úkimetiniń 2020 jylǵy 27 qyrkúıektegi qaýlysymen AR Qarýly Kúshteri Bas shtaby bastyǵynyń jaýyngerlik buıryǵyna sáıkes, qazan aıynan bastap Ońtústik kúshter tobynyń qolbasshysy Tıran Hachatrıan taǵaıyndaldy. Ol 2020 jyldyń 7-17 qazan aralyǵynda óziniń qyzmettik mindetterin oryndaýǵa nemquraılylyq tanytqan, atap aıtqanda Ońtústik toptyń basqarý ortalyǵyn qurmaǵan jáne urys qımyldaryn júrgizý kezinde baqylaýǵa qajetti birqatar sharalardy tolyq oryndamaǵan, - dep habarlaıdy Armenpress Armenııanyń Tergeý komıtetine silteme jasap.
Tergeý komıtetiniń málimetinshe, bul áreketter qorǵanys sátsizdigine ákelip soqty. Áskerlerdi basqarý júıesine nuqsan keltirip, júktelgen jaýyngerlik tapsyrmany oryndaýǵa kedergi keltirdi. Nátıjesinde qorǵaý tobyna senip tapsyrylǵan aýmaqty baqylaýǵa aldy.
2020 jyldyń 27 qyrkúıeginde Taýly Qarabaqtaǵy áskerı jaǵdaıdyń shıelenisýine baılanysty Armenııada áskerı jaǵdaı jarııalandy. 2020 jyldyń qazan aıynda Armenııa premer-mınıstri Nıkol Pashınıan Facebook paraqshasynda Tıran Hachatrıanǵa Armenııanyń Ulttyq Batyry ataǵy beriletinin habarlady.
2021 jyldyń aqpanynda Tıran Hachatrıan Armenııa qarýly kúshteri Bas shtaby bastyǵynyń birinshi orynbasary qyzmetinen bosatyldy. Armenııada áskerı jaǵdaı rejımi 2021 jyldyń naýryz aıynda kezekten tys parlament saılaýy qarsańynda alynyp tastaldy.
Ázerbaıjan men Armenııa shekarany belgileý tártibin talqylaǵanyn jazǵan bolatynbyz.