Armenııa Ázerbaıjanǵa Agdam aýdanyndaǵy mınalar týraly kartany usyndy

BAKÝ. AZERTADJ - QazAqparat – 2021 jyldyń 21 maýsymy kúni Grýzııa ókilderiniń qatysýymen ázerbaıjan-grýzın shekarasynda qol jetkizilgen ýaǵdalastyqqa sáıkes, Armenııa ázerbaıjan tarapyna Agdam aýdanynda tankige jáne jaıaý áskerge qarsy 97 myń mınanyń ornalasqan jeri kórsetilgen kartany berdi. Onyń ornyna ustalǵan 15 armıan bosatylýy tıis. QazAqparat bul týraly AZERTADJ-ǵa silteme jasap habarlaıdy.

Aqparat agenttiginiń jazýynsha, mınalar ornalasqan kartaǵa qol jetkizý myńdaǵan adamnyń, sonyń ishinde mınalardy zalalsyzdandyrýmen aınalysatyn saperlerdiń ómirin saqtap qalady. Sondaı-aq qalpyna keltirý jáne rekonstrýktsııa boıynsha jobalardyń iske asyrylýyn, sharasyzdan qonys aýdarǵandardy týǵan ólkelerine qaıtarý protsesin jyldamdatady.