«Armanǵa qulash urǵan asqaq qala!» - respýblıkalyq basylymdarǵa sholý

ASTANA. 6 shilde. QazAqparat - Qazaq aqparat agenttigi respýblıkalyq basylymdarda 6 shilde, sársenbi kúni shyqqan ózekti materıaldarǵa sholýdy usynady.

***

Keshe Aqordada joǵary laýazymdy qyzmetke taǵaı­yn­dalǵan bir top memlekettik qyzmetker Qazaqstan Respýblı­ka­synyń Konstıtýtsııasyna jáne «Qazaqstan Respýblıkasynyń Memlekettik qyzmet týraly» Zańyna sáıkes el Prezıdenti men Qazaqstan halqyna saltanatty jaǵdaıda ant berdi. Osyǵan oraı «Egemen Qazaqstan» gazetinde «Memlekettik qyzmetker bolý - abyroıly mindet» degen taqyryppen maqala jarııalandy. «Ant berý sizder úshin erekshe saltanatty kún dep esepteımin. Kez kelgen azamatqa memlekettik qyz­metker bolý - óte úlken mártebe. Oǵan barlyq qazaqstandyq­tar­dyń qoly jete bermeıdi. Al Úkimet múshesi bolý, mınıstr bolý odan da zor jaýapkershilik bolyp ta­bylady», - dedi Memleket basshysy Nursul­tan Nazarbaev ant berý rásimi aıaqtalǵannan keıingi sózinde.

«Egemen Qazaqstan» gazetiniń jazýynsha, keshe Aqordada Memlekettik hatshy Qanat Saýdabaevtyń tóraǵalyǵymen Qazaqstan Res­pýblıkasy Táýelsizdiginiń 20 jyldyǵyn ótkizý jónindegi mem­­lekettik komıssııanyń oty­rysy bolyp ótti. Onyń jumysyna Úkimet mú­sheleri, oblystar jáne Astana men Almaty qalalarynyń ákim­de­ri qatysty. Otyrysta osy ýa­qytqa deıin Táýelsizdiktiń 20 jyldyǵyn atap ótýge baıla­nys­ty bir jarym myńnan artyq sha­ralardyń ótkizilgeni atap kór­setildi. Olardy ótkizýge jastar, ǵylym jáne shyǵarmashylyq ıntellıgentsııa, ónerkásip pen aýyl­sharýashylyq, úkimettik emes uı­ymdar jáne qoǵamdyq qozǵa­lys­tar ókilderi belsene qatysty.

***

«Aıqyn» gazetiniń búgingi merekelik nómirinde Májilis depýtaty, Qazaqstan Respýblıkasynyń Eńbek sińirgen qaıratkeri Ýálıhan Qalıjannyń «Islam álemi jáne Nazarbaev» degen taqyryptaǵy kólemdi maqalasy jarııalandy. «Ultaralyq yntymaqtastyqty nyǵaıta bilgen elimiz Batys pen Shyǵysqa ónege bolady. Etnosaralyq dostyqty saqtaýdaǵy Elbasy N.Á.Nazarbaevtyń saıasaty órkenıetterdiń jaqyndasýyna da septigin tıgizeri anyq. Qazaqstan Batys pen Shyǵysty mámilelesýge shaqyratyn irgeli elge aınalyp otyr. Oǵan dástúrli álemdik dinderdiń úsh ret úlken jıynynyń Astanada ótkenin aıtsaq ta jetkilikti», - dep jazady avtor. Jarııalanymnyń tolyq nusqasyn oqyǵyńyz kelse, basylymnyń búgingi nómirin jiberip almańyz.

Astana - Qazaq eliniń abyroıy. Búginderi álem jurtshylyǵy Qazaqstandy Astanamyz arqyly tanıdy. Astana dese, aıbyndy Aqorda, boıtumarymyz «Báıterek», Qazaq halqynyń qurmetine qoıylǵan «Qazaq eli» monýmenti, tórtkúl dúnıe ókilderi bas qosyp, bátýaǵa keletin Táýelsizdik saraıy, beıbit ómirge úndeıtin Beıbitshilik jáne Kelisim saraıyn sóz etpeı tura almaımyz. Sheteldik qonaqtardyń tańdaıyn qaqtyryp, tamsandyrǵan Astananyń ajary áli de sulýlana túspek. Astana ajaryn ashatyn ásem ǵımarattardyń birqatary Táýelsizdigimizdiń jıyrma jyldyq toıynda paıdalanýǵa beriledi. Bul jaıynda «Aıqyn» gazetindegi «Armanǵa qulash urǵan asqaq qala!» degen maqaladan egjeı-tegjeıli bile alasyzdar.

***

«Memleket basshysy Nur­sul­tan Nazarbaev Qa­zaq­stan uı­ǵyr­lary respýblıkalyq má­­denı orta­lyǵy men Res­pýb­lıkalyq uıǵyr mýzyka­lyq komedııa teat­ry atyna úndeý-hattary men jyly shy­­raıly quttyq­taýlary úsh­in alǵy­syn bildirip jedel­hat joldady», - dep jazady «Kazahstanskaıa pravda» gazeti. Elbasynyń jedelhatynda: «Turaqtylyq pen kelisim - jyl­dan-jylǵa júrgi­zi­letin, ur­paq­tan-urpaqqa jalǵasatyn, kún saıynǵy úl­ken jumys. Jáne men elimizdegi uıǵyr ıntel­lı­gen­tsııasynyń ókilderi jas­tardy joǵary rýhanı baılyq pen mádenı qundy­lyq­tarǵa baýlyp, beıbitshilik pen ózara túsinistik dás­túrlerin saqtap jáne jalǵas­tyryp otyr­ǵanyn qanaǵattaný­shylyq sezimmen atap ótemin», - delingen.