Arman Júdebaev: Elordamyzǵa Tuńǵysh Prezıdentimizdiń esimi berilýi - tarıhı oqıǵa

ASTANA. QazAqparat - Arqanyń tósinde kórseń kóz toıatyn astanamyz boı kóterdi. Elimizdiń ortalyǵy men soltústik aımaǵynda qarakózderimizdiń úlesi artty. Tuńǵysh Prezıdentimizdiń sol kóregendigi úshin elordamyzǵa Elbasynyń atyn berý týraly sheshim óte oryndy dep esepteımin. Qurmanǵazy atyndaǵy qazaq ulttyq konservatorııasynyń rektory Arman Júdebaev osyndaı pikir bildirdi.

«Elordamyzdyń Tuńǵysh Prezıdentimizdiń atymen atalýy tarıhı oqıǵa bolyp tur. Álem tarıhynda onyń mysaly bar. Solardyń biri AQSh-tyń qazirgi bas qalasy - Vashıngton. Táýelsizdik alǵan alǵashqy ýaqytta áleýmettik-ekonomıkalyq, saıası ahýalymyz óte qıyn 90 jyldary elordamyzdy sol kezdegi Aqmola qalasyna kóshirý týraly Nursultan Ábishulynyń sheshimine kópshilik qoldaý bildirmep edi. Táýelsiz Respýblıkamyz úshin jasaǵan basqa isterin aıtpaǵanda, qazirgi tańda sol sheshimniń Qazaq eliniń egemendiginiń nyǵaıýyna, jer tutastyǵynyń saqtalýyna kepil bolǵanyn ýaqyttyń ózi dáleldep berdi», - dedi JOO basshysy.

Sondaı-aq, Arman Júdebaev Astanaǵa QR Tuńǵysh Prezıdentiniń esimin berý oryndy sheshim ekenin atap ótti.

«Arqanyń tósinde kórseń kóziń toıatyn Astanadaı elordamyz boı kóterdi. Elimizdiń ortalyǵy men soltústik aımaǵynda qarakózderimizdiń úlesi artty. Tuńǵysh Prezıdentimizdiń sol kóregendigi úshin elordamyzǵa Elbasynyń atyn berý týraly sheshim óte oryndy dep esepteımin», - dedi ol.