Arman traktorıst Raıymbek Seıtmetov teatryna basshy bolyp taǵaıyndaldy

<p>TÚRKІSTAN. KAZINFORM - "Traktorıst" ánimen tanylǵan Arman Álıev jańa qyzmetke ornalasty.</p>

Búgin Túrkistan oblysy mádenıet jáne týrızm basqarmasy basshysynyń buıryǵymen Álıev Arman Mahmutuly Raıymbek Seıtmetov atyndaǵy Túrkistan qalasy sazdy-drama teatrynyń dırektory mindetin atqarýshy bolyp taǵaıyndaldy. Jańa qyzmetine taǵaıyndalǵan mekeme basshysyn teatr ujymyna oblystyq mádenıet jáne týrızm basqarmasy basshysy Ázimhan Qoılybaev tanystyrdy.

Álıev Arman Mahmutuly 1978 jyly 25 qarashada Qyzylorda oblysynyń Shıeli aýdany, Gıgant aýlynda dúnıege keldi.

1999 jyly M.Áýezov atyndaǵy Ońtústik Qazaqstan memlekettik ýnıversıtetin «Rejıssýra, akterlyq óner» mamandyǵy boıynsha bitirip, «teatr ujymynyń jetekshisi, menedjeri jáne arnaıy pánderdiń oqytýshysy» biliktiligin aldy.

2013 jyly M.Saparbaev atyndaǵy Ońtústik Qazaqstan gýmanıtarlyq ınstıtýtyn «Quqyqtaný» mamandyǵy boıynsha bitirip, «zańger» biliktiligi aldy.

Qazaq estrada óneriniń tanymal ókili, estradalyq ázil ánder oryndalǵan 2 án jınaǵy jaryq kórgen. Birneshe qazaq kınosynda rólder somadaǵan akter, halyqaralyq deńgeıdegi tsırk óneri festıvaldarynyń qazylar alqasynyń turaqty múshesi.

Arman Álıev kópshilikke «Traktorıst» ánimen tanymal. 2000 jyldary shyqqan án tyńdarman júreginen oryn alǵan.