Arman Shoraev «Qazaqstan Barysy» dodasynyń bıylǵy júldesi týraly aıtyp berdi

ASTANA. QazAqparat - Arman Shoraev «Qazaqstan Barysy» dodasynyń bıylǵy syıaqysy byltyrǵy jyldaǵy kóleminen kem bolmaıtynyn málim etti, dep habarlaıdy QazAqparat.

«Júlde qory bıyl kemigen joq, byltyrǵy jyldaǵydan kóp bolýy da múmkin. Byltyr osy dodanyń úsh dúrkin jeńimpazy Beıbit Ystybaev 25 mıllıon teńge men Astanadan páter alǵan bolatyn. Bıyl da júlde qory odan az bolmaıtynyna senimdimin», - dedi Qazaqstannyń Qazaq kúresi federatsııasynyń prezıdenti Arman Shoraev Astanada ótken baspasóz máslıhatynda. 

Týrnır tórt kezeńnen turady: aýyldyq, aýdandyq, oblystyq jáne fınal. 2 shildede Astanadaǵy «Barys Arenada» ótetin aqtyq synǵa 34 palýan iriktelip alynady.

«Týrnırdiń jańashyldyqtary týraly aıtatyn bolsaq, biz «Ásker Barysy» týrnıriniń eki jeńimpazyn anyqtaıtyn bolamyz», - dedi A.Shýraev.

Onyń atap ótkenindeı, barlyq qatysýshylar dopıngke tekseriledi. «Qazaqstan Barysy» jeńimpazyna tıesili syıaqy WADA-nyń (Búkilálemdik antıdopıngtik agenttik) sheshiminen keıin beriledi.

Tóreshiler daýynan keıin dodadan shettetilgen «Qazaqstan Barysy-2014» jeńimpazy Muhıt Tursynov irikteýge qatysa alatyn boldy.