Arman Shaqqalıev «Sapaly ónim» jarııa kontseptin iske qosýdy usyndy
«Búginde ishki naryqtaǵy azyq-túlik qaýipsizdigin qamtamasyz etý Memleket basshysy júktegen basty eldik mindet sanalady. Degenmen, oǵan azamattyq qoǵamnyń, qoǵamdyq ınstıtýttardyń, BAQ-tyń jáne de jalpy beı-jaı qaramaıtyn tutynýshylardyń belsendi ustanymynsyz qol jetkizý múmkin emes. Óıtkeni, sóz tutynýshy sanalatyn osy jerde otyrǵan bárimizdi qosa alǵanda 19 mln Qazaqstan azamaty jaıly bolyp otyr. Biz «Sapaly ónim» jarııa kontseptin iske qosýdy usynamyz. Ol úshin zańnamalyq quraldar men tetikterdiń bazalyq jıyntyǵy bar», - dedi mınıstr BAQ ókilderine arnalǵan baspasóz máslıhatynda.
Onyń atap ótýinshe, qoldanystaǵy «Tutynýshylardyń quqyqtaryn qorǵaý týraly» zań qoǵamdyq birlestikterge jan-jaqty quziretter beredi. Atap aıtqanda, olar taýardyń tutynýshylyq qasıetin zerdeleıdi.
Taýardyń sapasy men qaýipsizdigine saraptama jasaýǵa bastamashylyq jasaıdy. Ónimiń sapasy týraly qoǵamdyq pikirdi anyqtaý úshin turǵyndardan saýalnama júrgizedi. Taýardyń sapasyn baǵalaý maqsatynda memlekettik organǵa júginedi. Tutynýshynyń múddesin qorǵap, sotqa shaǵym túsiredi.
«Buǵan qosa, atalǵan qyzmetterdi júzege asyrý barysynda qoǵamshyl taýarlardy satý oryndaryna barǵan kezde jasaıtyn barlyq áreketterin sýretke túsirip, aýdıo, vıde tirkeýge alýǵa quqylyǵy. Sondyqtan da tutynýshylar men qoǵamdyq ınstıtýttardy sapaly ári qaýipsizdik ónim alýǵa degen ózderiniń quqyqtaryn barynsha málimdeýge shaqyramyz», - dedi Arman Shaqqalıev.