Arman Shaqqalıev: Qazaqstan-Qyrǵyzstan taýar aınalymyn $3 mlrd-qa deıin jetkizýdi kózdeıdi

<p>ASTANA. KAZINFORM - Qazaqstannyń saýda jáne ıntegratsııa mınıstri Arman Shaqqalıev Qazaqstan-Qyrǵyzstan Úkimetaralyq keńes qorytyndysy týraly pikir bildirdi. Bul týraly Úkimettiń baspasóz uqyzmeti málim etti.&nbsp;</p>

Bishkektegi Qazaqstan-Qyrǵyzstan Úkimetaralyq keńesi otyrysynyń qorytyndysy boıynsha eki el úkimetteri basshylarynyń qatysýymen ekonomıkalyq yntymaqtastyqty tereńdetýge jáne taýar aınalymyna $3 mlrd-qa deıin jetkizýge qatysty mańyzdy máseleler talqylandy.

Bıylǵy 9 aıda Qazaqstannyń taýar aınalymy $1,2 mlrd-ty qurady. Oń dınamıka saqtalýda jáne elimizdiń syrtqy ekonomıkalyq baılanystaryn nyǵaıtýǵa yqpal etetin bolady.

— Qol jetkizilgen ýaǵdalastyqtar jaqyn arada saýda aınalymyn ulǵaıtýǵa múmkindik beredi. Ótkizý pýnktterin jańǵyrtý jáne keńeıtý, sý-energetıkalyq ózara is-qımyl, saýda-ekonomıkalyq yntymaqtastyq, logıstıkalyq jáne taratý ortalyqtaryn salý máseleleri qaraldy. Bul is-sharalardyń barlyǵy praktıkalyq sıpatqa ıe, — dep atap ótti Qazaqstannyń saýda jáne ıntegratsııa mınıstri Arman Shaqqalıev.