Arman Ásenov Túrki kınematografısteri qaýymdastyǵynyń atqarýshy komıtetine múshe boldy

YSTANBUL. QazAqparat - «Qazaqfılm» kınostýdııasynyń prezıdenti Arman Ásenov «Túrki álemi kınematografısteri qaýymdastyǵy» atqarýshy komıtetiniń múshesi atandy, dep habarlaıdy QazAqparat kınostýdııa saıtyna silteme jasap.

17-19 jeltoqsannyń aralyǵynda Túrkııanyń Ystanbul qalasynda Túrki álimi kınogerleri qaýymdastyǵynyń konferentsııasy ótti. Bul mádenı is-sharaǵa Qazaqstannyń atynan qatysqan Sh.Aımanov atyndaǵy «Qazaqfılm» AQ prezıdenti Arman Ásenov, «Qazaqfılm» kınostýdııasynyń basqarýshy dırektory Qanat Tórebaı jáne tanymal rejısser Rústem Ábdirashev kıno óndirisi salasynda halyqaralyq qatynastardy damytý maqsatynda birqatar kelissózder júrgizdi.

Kezdesýler nátıjesinde Arman Ásenov «Túrki álemi kınematografısteri qaýymdastyǵy» atqarýshy komıtetiniń quramyna kirdi. Jańa músheniń kandıdatýrasyn engizý týraly sheshimdi qaýymdastyq músheleri biraýyzdan qoldaǵanyn aıta ketken jón.