Árkimniń óz azamattyq sheshimi bar – BǴM muǵalimderdiń saılaý naýqanyna atsalysýy jaıly

NUR-SULTAN. QazAqparat – QR Bilim jáne ǵylym vıtse-mınıstri Sholpan Karınova saılaýǵa kúshtep tartylǵan muǵalimder bolsa, olar mınıstrliktiń óńirlerdegi departamentterine júgine alatynyn málim etti, dep habarlaıdy QazAqparat tilshisi.

«Muǵalimder mártebesi týraly zań qabyldandy. Iá, ol zań aıasynda muǵalimderdi tıisti emes jumystarǵa tartý qarastyrylmaıdy. Bul boıynsha faktiler bolsa, bizdiń mınıstrliktiń jergilikti jerde ornalasqan departamentterimizge júginýge bolady. Sapany qamtamasyz etý jónindegi departamentter bul máseleni túbegeıli qarastyryp otyrady. Eger muǵalimder tarapynan mundaı suraqtar kelip tússe, olarǵa qatysty tıisti sharalar qabyldanady», - dedi Sholpan Karınova Ortalyq kommýnıkatsııalar qyzmetinde ótken baspasóz máslıhatynda.

Vıtse-mınıstr saılaý jumystaryna atsalysý – árkimniń óziniń azamattyq sheshimi ekenin málim etti.

Eske salaıyq, 10 qańtar kúni Qazaqstanda Parlament Májilisi men máslıhattarǵa depýtattardy saılaý ótti. QR Ortalyq saılaý komıssııasy búgin saılaý nátıjesin jarııalady.