Arqalyqtaǵy jylý elektr ortalyǵy kómirge aýystyrylady

ARQALYQ. QazAqparat – Arqalyqta JEO bıyl mazýttan kómirge aýysady. Bul týraly Qostanaı oblysynyń ákimdiginde selektorlyq keńes kezinde óńirdiń Energetıka jáne turǵyn úı-kommýnaldyq sharýashylyq basqarmasynyń basshysy Dáýren Asqarov málim etti, dep habarlaıdy QazAqparat tilshisi.

«Bıyl «Arqalyq qalasynyń jylýmen jabdyqtaý júıesin 2030 jylǵa deıin qaıta qurý» nysanyn paıdalanýǵa berý josparlanǵan jáne Arqalyq JEO kómirmen jumys isteı bastaıdy. Bul maqsatqa qurylys-montaj jumystaryn aıaqtaýǵa respýblıkalyq bıýdjetten 3 714,5 mln teńge bólindi. Budan basqa, Arqalyq JEO-daǵy tútin murjasyn qaıta jańartý jáne iske qosý jumystaryn júrgizý josparlanýda», - dep habarlady. D.Asqarov.

Jańartylǵan JEO-ny paıdalaný aldaǵy 2021-2022 jylǵy jylý berý maýsymyna josparlanǵandyqtan, Arqalyq JEO-ǵa oblystyq bıýdjetten 48 myń tonnadan astam kómir satyp alýǵa 500 mln teńge somasynda qarjy bólindi.

«Arqalyq qalasynyń ákimdigi «Arqalyq qalasynyń jylýmen jabdyqtaý júıesin 2030 jylǵa deıin qaıta qurý» jobalary boıynsha qurylys-montaj jumystaryn ýaqytyly jáne sapaly oryndaý jáne Arqalyq JEO-da iske qosý jumystaryn júrgizý máselesin erekshe baqylaýda ustaý qajet», - dep qorytyndylady vedomstvo basshysy.