Arqalyqta samokattaǵy er adamdy kólik qaǵyp, mert qyldy
13:47, 22 Shilde 2021
QOSTANAI. QazAqparat – Jol-kólik oqıǵasy Arqalyq qalasynda boldy. Oqıǵa týraly QazAqparat tilshisine Jergilikti polıtsııa qyzmeti basqarmasy bastyǵynyń orynbasary Vıtalıı Tsoı aıtyp berdi.
«Arqalyq qalasynda «Lada 2121» avtokóliginiń 1984 jylǵy júrgizýshisi 1978 jylǵy elektr samokatpen kele jatqan azamatty qaǵyp ketken. Ol alǵan jaraqattardan jedel járdem kóligimen qalalyq aýrýhanaǵa bara jatqan jolda kóz jumdy», - dep málimdedi V. Tsoı.
Polıtsııa departamentiniń baspasóz qyzmetiniń aqparatynsha, oblysta jol-kólik oqıǵalarynyń sanyn azaıtý maqsatynda 13 shilde men 12 tamyz aralyǵynda «Qaýipsiz jol» aldyn alý sharasy júrgizilýde.
Shilde aıynda óńirde 7 jol-kólik oqıǵasy bolǵan. Saldarynan 3 adam qaza taýyp, 6 adam zardap shekken.