Arqalyqta 15 jasar jasóspirim ótip bara jatqan qyzdarǵa oq atqan

ARQALYQ. QazAqparat — Jasóspirim jigit qyzdarǵa travmatıkalyq qarýdan oq atqan. Polıtsııa Arqalyqta eki qyzǵa dene jaraqatyn salý faktisi boıynsha sotqa deıingi tergeý júrgizip jatyr, dep habarlaıdy QazAqparat Qostanaı oblysynyń polıtsııa departamentine silteme jasap.

3 mamyrda Arqalyq qalasynyń polıtsııa bólimine aýrýhanadan 17 jáne 25 jastaǵy turǵyndardyń jaraqat alǵandyǵy týraly habarlama túsken. Olar bilek pen jambas tusynan oq tıip, jedel járdem bólimine jetkizilgen.

«Alǵashqy tergeý áreketteri barysynda qyzdardyń Maıasova kóshesimen ótip bara jatyp tarsyldy estigeni, sodan keıin qol-aıaqtaryna jaraqat túskeni anyqtaldy. Qyzdar aýrýhanaǵa jetkizilip, olarǵa alǵashqy medıtsınalyq kómek kórsetildi. Qazirgi ýaqytta «Densaýlyqqa qasaqana aýyr zııan keltirý» baby boıynsha sotqa deıingi tergeý amaldary júrgizilýde. Oqıǵa ornynda pnevmatıkalyq qarýdyń oǵy tabyldy», – dep túsindirdi polıtsııa departamentinde. Qazirgi ýaqytta saraptama taǵaıyndalyp, tergeý júrip jatyr.

«Polıtsııa ákesine tıesili pnevmatıkalyq myltyqtan oq atqan 15 jastaǵy jasóspirimniń kim ekenin anyqtady. Qazirgi ýaqytta ata-anasyna qatysty «Kámeletke tolmaǵan balany tárbıeleý jónindegi mindetterdi oryndamaý» baby boıynsha ákimshilik is qozǵaldy», – dedi polıtsııada.

Avtory Janna Musabaeva