Arqalyq turǵyndary tún ishinde birden eki kólikti tonaǵan

QOSTANAI. QazAqparat – Avtokólikti aıdap ketýshilerdiń vıdeosyn Qostanaı oblysy polıtsııa departamentiniń baspasóz qyzmeti kórsetti, dep habarlaıdy QazAqparat.

Arqalyq qalasynyń polıtsııa basqarmasynyń kezekshi bólimine birinshi qońyraý turǵylyqty turǵynnan 29 shilde kúni saǵat 3 kezinde kelip túsedi.

Er adam Gorbachev kóshesindegi 45-shi úıdiń aýlasynan «Aýdı» markaly avtokóliginiń joǵalyp ketkeni týraly habarlady.

Aryz berýshi oqıǵa ornyna kelgen polıtseılerge kiltti kólikte umytyp ketkenin aıtyp berdi.

«Polıtsııa qyzmetkerleri Beısen Táýirbaev pen Dúısembaı Sábıtbekov shuǵyl izdestirýge kirisedi. Birneshe mınýt ótkennen keıin kólik kórshi aýladan tabylǵan, alaıda kóliktiń bólshekteri túgel bolmaǵan, - dedi polıtsııada. – 03:48-de polıtsııaǵa taǵy bir qońyraý túsedi. Bul joly qaskúnemder «LADA 21713» markaly avtokóligin aıdap ketken. Kólik ıesi ony Gorbachev kóshesindegi 34-shi úıdiń aýlasyna qaldyrǵan. Onyń aıtýynsha, kólik terezeleriniń bireýi sońyna deıin jabylmaǵan».

Patrýldeý kezinde tártip saqshylary joldyń shetinde turǵan «Prıora» markaly avtokóligin baıqaıdy.

Polıtseılerdi kórgen qaskúnemder qasha bastaǵan, alaıda polıtseıler olardy ustady.

Qazirgi kezde atalmysh faktiler boıynsha sotaldy tergeý júrip jatyr, is QR QK-niń 1-bólimi 200-baby boıynsha tirkelgen.

18-24 jas aralyǵyndaǵy úsh kúdikti kinásin moıyndady.

Kólik ıeleri polıtseılerdiń jumysy úshin alǵysyn jetkizdi.