Arqalyq qalasyn jylýmen jabdyqtaý júıesi ózgeredi

QOSTANAI. QazAqparat – Arqalyq qalasyn jylýmen qamtamasyz etý júıesi ózgeredi. Bul týraly turǵyndarǵa esep berý jıynynda oblys ákimi Arhımed Muhambetov málim etti, dep habarlaıdy QazAqparat.

Qostanaı oblysynyń Arqalyq qalasyn jylýmen qamtamasyz etý el qazynasyna qymbatqa túsetin. Sebebi mazýt baǵasy basqalarǵa qaraǵanda sharyqtap tur. Shaǵyn qalanyń jyldyq otyn qoryn jasaý úshin respýblıkalyq bıýdjetten 1 mıllıard tengeden astam dotatsııa bólinetin. Jergilikti jylý ortalyǵyn kómirge aýystyrý máselesi kóp jyldan beri sheshilmeı kelgen.

«Arqalyq qalasyn jylýmen jabdyqtaý júıesi ózgeredi. Jylý-energetıkalyq ortalyǵyn mazýt jaǵýdan kómirge kóshirý, sondaı-aq onyń tıimdiligin arttyrý maqsatynda jobalaý-smetalyq qujattamasy ázirlendi. Buǵan 7,7 mlrd teńge bólindi. Atalmysh jobada qazirgi jylý-energetıkalyq ortalyǵy aýmaǵynda kómir otynymen jumys isteıtin 3 bý jáne 2 sý jylytý qazandyǵy ornatylady. Buǵan qosa jańa qazandyq salý qarastyrylǵan», - dedi Arhımed Muhambetov.

Qurylys-montaj jumystary 2020 jyldyń jeltoqsan aıynda bastalady.