Arqalyq qalasy gazdandyryla ma
«Qostanaı oblysynyń ońtústik óńirinde gaz qubyrlarynyń magıstraldyq jelileriniń bolmaýyna baılanysty Arqalyq qalasyn, Jangeldi jáne Amangeldi aýdandaryn gazdandyrýdy júrgizý qazirgi ýaqytta múmkin emes. Buǵan deıin Aqtóbe oblysynyń Yrǵyz-Shalqar gaz qubyrynan óńirge gaz ótkizý múmkindigi zerttelgen bolatyn», - dep atap ótedi Úkimet basshysy jaýabynda.
Onyń dereginshe, atalǵan óńirlerge eń jaqyn gaz qubyry Aqtóbe oblysy Yrǵyz aýdanynyń Nura aýylynda ornalasqan. Onda qazirgi ýaqytta 0,6 MPa qysymmen jetkiziletin gaz qubyryn salý jumystary júrgizilip jatyr.
«Bul qýattyń jetkiliksizdigine baılanysty Qostanaı oblysyn gazdandyrýdy jalǵastyrýǵa múmkindik bermeıdi. Bul rette Aqtóbe oblysynyń Yrǵyz aýdanynan Arqalyq qalasyn, Jangeldi jáne Amangeldi aýdandaryn gazdandyrý úshin (osy qosylýdyń tehnıkalyq múmkindigi bolǵan jaǵdaıda) gaz qubyrynyń uzyndyǵy shamamen – 400 shaqyrym. Al, quny shamamen 60 mlrd teńgeden asady. Óńirdegi jalpy halyq sany – 66,5 myń adam», - dedi Álıhan Smaıylov.