Arqalyqta sý tasqynynan zardap shekken zeınetker ótemaqy óndirip aldy

<p>QOSTANAI. ASTANA. KAZINFORM &ndash; Qostanaı oblysynyń Arqalyq qalalyq sotyna azamat S. Arqalyq qalasynyń ákimine tótenshe jaǵdaı saldarynan keltirilgen materıaldyq zııandy óteý týraly aryzyn qaraý týraly talappen júgingen. Bul týraly Qostanaı oblystyq sotynyń baspasóz qyzmeti málim etti.&nbsp;</p>

2024 jylǵy 28 naýryzda Arqalyq qalasynyń aýmaǵynda tabıǵı sıpattaǵy tótenshe jaǵdaı jarııalandy. Al sáýir aıynyń basynda S.-nyń turǵyn úıi sý tasqynynyń nátıjesinde zardap shekti.

«2024 jyldyń mamyr aıynda jábirlenýshi Arqalyq qalasy ákimdigine turǵyn úıine keltirilgen materıaldyq zalaldy óteý týraly ótinishpen júgindi. Ákimdik ótinishterdi qabyldaý merziminiń aıaqtalýyna baılanysty, S.-nyń aryzyn qaraýsyz qaldyrdy», — delingen habarlamada.

«Azamattyq qorǵaý týraly» Zańymen jeke tulǵalardyń tabıǵı jáne tehnogendi sıpattaǵy tótenshe jaǵdaılardyń saldarynan, múlki men densaýlyǵyna keltirilgen zııandy óteý quqyǵy bekitilgen.

Tótenshe jaǵdaı kezinde ákim zardap shekkenderge keltirilgen materıaldyq zalaldy baǵalaý jáne óteý jónindegi komıssııany qurady. 

Komıssııaǵa júginý merzimi, tótenshe jaǵdaı týyndaǵan kúnnen bastap 30 kúntizbelik kúndi quraıdy.

«Sot nazar aýdarǵan birinshi buzýshylyq — bul jábirlenýshiniń ótinishi Komıssııanyń qaraýyna berilmegen. Jergilikti atqarýshy organ ony zańdy negizdersiz, óz betinshe qaraýsyz qaıtarǵan. Ekinshiden, sot aryzdanýshynyń jergilikti atqarýshy organǵa otyz kún ishinde júginý merzimi ótip ketpegen degen tujyrymǵa keldi, sebebi, ákim zardap shekken tulǵalarǵa Komıssııaǵa júginý quqyǵyn túsindirý úshin jetkilikti sharalar qabyldamaǵan. Ony joqqa shyǵaratyn dáleldemeler sotqa usynylǵan joq. Úshinshiden, tótenshe jaǵdaı rejımi toqtatylǵan joq. Demek, aryzdy tótenshe jaǵdaı týyndaǵan sátten bastap otyz kúndik merzim shinde berý týraly ákimdiktiń talaby, ádildik pen parasatylyq qaǵıdalaryna sáıkes kelmeıdi, azamattyń zańmen qarastyrylǵan zalaldy óteýge degen quqyǵynan aıyryp otyr», - dep habarlady oblystyq sot. 

Sot talap aryzdy tolyǵymen qanaǵattandyryp, Arqalyq qalasynyń ákimin jábirlenýshiniń materıaldyq zalaldy óteý týraly aryzyn qarastyrý úshin qabyldaýǵa mindettedi.

Mán-jaılardy eskere otyryp, sot sheshiminiń atalǵan bóligin dereý oryndaýǵa jiberdi.