Arkadıı Dýbnov: Qazaqstan ShYU arqyly postsovet aımaǵynyń Batys pen Shyǵys arasyndaǵy orǵa túsip ketýine tosqaýyl boldy
Saıasattanýshy búginde ShYU ınstıtýtsıonaldanyp, keńeıip kele jatqanyn aıtady. ShYU álemdik qaýipsizdikte tek áskerı-saıası turǵydan ǵana emes, azyq-túlik qaýipsizdigi men áleýmettik turǵydan da aıqyndaýshy rólge shyǵady dep kútýshiler bar.
«Báribir de ShYU álemdik qaýipsizdiktiń asa mańyzdy elementine aınaldy dep aıta almaımyn. Iá, bul — yqpaldy qurylym, biraq atqarýshy fýnktsıonaly joq. Ol — aıqyn jarǵysy joq, kúshtik mazmunnan ada birjaqty saıası uıym», — deıdi sarapshy.
Arkadıı Dýbnov «Qazaqstan Prezıdenti 2023 jyly ShYU tóraǵalyǵyn qabyldaı otyryp postsovettik aımaqtyń Batys pen Shyǵys arasyndaǵy orǵa túsip ketýine tosqaýyl boldy» dep esepteıdi.
«Qasym-Jomart Toqaev birneshe aı buryn iske asyrý múmkin emesteı kóringen bastama kóterdi. Bul jerde Armenııa men Ázerbaıjandy tatýlastyryp, kelissóz alańyn usyný talpynysyn meńzep otyrmyn. Bir jaǵynan keıbir elder sııaqty ózin ara aǵaıyn retinde tyqpalap ta otyrǵan joq. Bitimgerlikke jol ashyldy jáne ol iste Qazaqstannyń da úlesi bar», — deıdi saıasattanýshy.
Aıtýynsha, Qazaqstan ShYU-ǵa tóraǵalyǵy kezinde saıasat pen ekonomıkaǵa, gýmanıtarlyq salaǵa baǵyttalǵan birqatar iri is-shara ótkizgen.
A. Dýbnov Astana deklaratsııasynyń úlken tujyrymdamalyq qujat bolyp shyqqanyn aıtady.
«ShYU Astana deklaratsııasy uıymǵa múshe memleketterdiń báriniń ustanymyn boıyna jınaqtap tur. Qujatta qandaı da bir ymyraǵa keltirýge bolatyn elderdiń báriniń ustanymy kórinis tapqan deýge bolady. Deklaratsııada Ortalyq Azııadaǵy 5 memlekettiń aımaqtyq yqpaldastyǵynyń máni bekitilgen dep aıtar edim. Muny „bestiktiń“ halyqaralyq sýbekt retinde moıyndalǵan sáti dep te qaraýǵa bolady», — deıdi sarapshy.
Saıasattanýshy ShYU-ǵa Qazaqstan tóraǵalyq etip turǵan kezde uıymnyń bas hatshysy men hatshylyǵynyń rólin kúsheıtý jóninde sheshim qabyldanǵanyn eske saldy.
«Bul uıymnyń ınstıtýtsıonaldyq sıpatyn ústeı túsedi. Buǵan deıin bas hatshyda óz bastamasyn usyný quqyǵy bolmaǵan edi. Sondyqtan bul sheshimdi ShYU-nyń ózi qabyldaǵan sheshimderdi oryndatýdaǵy shynaıy yqpalymen arttyrý qundy. Meniń bilýimshe, uıymnyń jańa taǵaıyndalǵan bas hatshysy erik-jigeri myǵym, atqarýshylyq tártibi bar adam. Astana usynǵan kandıdatýra ShYU-nyń jumys organdaryn nyǵaıtý ıdeıasymen úndes. Sammıttiń uıymdastyrylýy keremet boldy. Qazaqstannyń mundaı is-sharalar ótkizýde kópjyldyq tájirıbesi bar. Bul sammıt ózge elder úshin boı túzeıtin meje bolmaq», — dedi Arkadıı Dýbnov.