Arystyqtardyń jarylys qaıtalanbasa degen jalǵyz tilegi bar
Arys qalasynda bolǵan jarylysqa bıyl bes jyl tolyp otyr. Áskerı qoımada bolǵan apattan qala qırap qalǵan bolatyn. «Arys — biz birgemiz» dep urandatqan el azamattary jylý jınap jergilikti halyqqa kómektesti. Al, memleket basshysynyń tapsyrmasymen árbir óńir qalany qaıta qalpyna keltirýge atsalysty. Nátıjesinde shaǵyn qala jańaryp, kórikti kelbetin qalyptastyrdy.
Búginde Arys ajary artqan shaǵyn qalanyń biri. Halyq ta mamyrajaı ómirin jalǵastyryp jatyr.
«Dúrbeleń ýaqytty umytqan joqpyz. Іshinde júrdik. Barsha qıyndyq ótti. Ol synaqty da jeńip shyqtyq. Memleket tarapynan kórsetilgen qoldaýlardyń aıasynda qalamyz qaıta qalpyna keldi. Úıler qaıta soǵyldy. Jóndeýden ótkenderi de bar. Jalpy shyǵyn tolyǵymen óteldi. Alǵashqyda, «jarylys qaıtalanbaı ma?» degen kókeıimizde qorqynysh bolatyn. Qazir seıildi. Qalamyz jańa nysandarmen tolyǵyp jatyr. Saıabaqtar men balalar oıyn alańshalary salynyp jatyr. Halyqqa jaıly orta qalyptasyp keledi» — deıdi Arys qalasynyń qurmetti azamaty Orazhan Arystanbaev.
Jalpy, áskerı qoımadaǵy jarylystan soń, qala boıynsha 70 áleýmettik nysan qalpyna keltirildi. Olardyń ishinde 56 bilim, 8 densaýlyq saqtaý, 4 sport mekemesi bar. 40 ákimshilik ǵımarat jóndeýden ótti.
Turǵyn úılerge kelgen zardaptardy zerdeleý barysynda zaqymdalǵan 7 389 úı jóndeldi. Sondaı-aq, jaramsyz dep tanylǵan 477 úı qaıta salyndy. Budan bólek, B.Ótemuratov qory esebinen 100 baspana boı kóterip, úıleri órtengen jáne úı-jaısyz qalǵan kópbalaly otbasylar men jaǵyzbasty analarǵa berildi.
Arys qalasy boıynsha 467 kásipkerlik nysan zardap shekken bolatyn. «Meniń Atamekenim» qoǵamdyq qaıyrymdylyq qory arqyly «Atameken» kásipkerler palatasynyń uıymdastyrýymen olarǵa ótemaqy retinde 3 mlrd. 69 mln. teńge berildi.
«Men sol kezde oblys ákiminiń keńesshisi retinde Arystaǵy qoǵamdyq shtabty basqardym. Qalany 17 sektorǵa bóldik. Sonymen 17 shtab quryp turǵyndardy azyq-túlikpen qamtamasyz etý, qoǵamdyq tártipti saqtaý, qalany qoqystan tazartý jumystaryn júrgizdik. Ár oblystan jáne Túrkistan oblysynyń barlyq aýdan, qala ákimderi, Arys qalasy ákimdiginiń qyzmetkerleri tıisti aýmaqqa jaýapty bolyp bekitildi. ıAǵnı, ár on úıge bir adamdy jaýapty etip belgiledik. Arys qalasynda segiz myń¬nyń ústinde úı bolatyn bolsa, segiz júzdeı qoǵam belsendisin jumys¬qa tarttyq. Sol kezde ózin-ózi basqarý júıesin engizip, halyqty sabyrǵa shaqyryp otyrdyq. Nátıjeli jumystar júzege asty. Arys qalasy eki aıda eńse tiktep, eldik pen erliktiń úlgisin kórsetti» — deıdi Qazaqstan Respýblıkasy Parlament Májilisiniń depýtaty Ulasbek Sádibekov.
Jarylys bolǵan aımaqty qalpyna keltirý jumystaryna aımaqtan barǵan ákimdik qyzmetkerleri de tartyldy. Solardyń biri Kentaý qalasynyń turǵyny Arman Basarov onynshy sektorǵa jaýapty bolyp bekitildi. «Jasyl qala», «Aşysaı sý», «Kentaýservıs», «Inteko» sekildi mekemeler men «Aýyl jastary» ortalyǵynan barǵan júzge jýyq kentaýlyq sol kezde aımaqty retke keltirý jumystaryn belsendi túrde júrgizdi.
«Qıyn kúnderde adamdardyń bir — birine tilmen aıtyp jetkizgisiz janashyr bolýy jáne búlingendi bútindeý jolynda bir judyryqtaı bolyp birigýi men daladaı darhan peıilderi kózge jas úıirip, kóńilge qanat bitirdi. Arystyqtar áli kúnge — deıin umytpaı, kentaýlyqtardy toılaryna da shaqyryp turady. Biz munan qalyń qazaqtyń kez — kelgen jaǵdaıda bir — biriniń qýanyshy men qaıǵysyna ortaqtasa alatyn baýyrmaldylyǵyn kórdik» — deıdi, «Amanat» partııasy Kentaý qalalyq fılıalynyń tóraǵasy Arman Basarov.
Jalpy qalany qalpyna keltirý isinde erikti jastar kúni-túni eńbek etti. Alǵashqyda qarııalardyń as aýqatyn daıyndaǵan jastar, keıinnen joǵalǵan búldirshinderdi tabýǵa kómektesti. Sondaı-aq, kúndiz shtabtarda gýmanıtarlyq kómekti bólý jumystaryn júrgizdi.
«Arysta jarylys bolyp jatyr degen sátten bastap Túrkistan oblysy men Shymkent qalasynyń eriktileri kómekke asyqty. Halyqty qaýipsiz aımaqqa tasymaldaý úshin jeńil kólikter jiberildi. Ekinshi top nan, sý sekildi kúndelikti turmystyq tutyný taýarlaryn jetkizdi. Biz Keles jáne Saryaǵash aýdanynan 1 tonnaǵa jýyq janar-jaǵar maımen keldik. Ony jolda qalyp qoıǵan kólikterge úlestirip berdik. Sol barǵannan 62 kún boıy eriktiler qatarynda kómektesip, úıge eki aıdan soń oraldym» — deıdi erikti jas Oljas Mamyr.
Jalpy, oqıǵa bolǵan sátte 200-ge jýyq bala ata-anasynan adasyp qaldy degen aqparat taraǵan bolatyn. Onyń bári tabylyp, otbasymen qaýyshty. Keıin, Arystyq búldirshinder Pavlodar oblysynda ornalasqan Baıanaýyldaǵy saýyqtyrý lagerinde jazǵy demalysty qyzyqty ótkizdi.
Búginde Arys qalasy ózindik damýdyń jolyn qalyptastyrdy. Jıi jıi ótkizilgen senbilik jumystary barysynda taza qalaǵa aınaldy. Jarylystan keıin baǵalary birden tómendep ketken úılerdiń narqy qaıta qalpyna kele bastady. Údere kóshýshiler de azaıǵan. Qaladaǵy kóp ultty halyq bir shańyraq astynda tatý-tátti ǵumyr keship jatyr. Barshasynyń «eń bastysy jarylys qaıtalanbasa» degen arman tilekteri bar.
«Bardy baǵalaı bilýimiz kerek. Qalamyzda úlken jumystar atqarylyp jatyr. Nátıjeli ister júzege asyrylyp otyr. Endi Alladan tek eldiń amandyǵyn tileımiz!» — dedi bata bergen aqsaqal Joldasbek Turmanbetov.