Arystanbek Muhamedıulynyń áıeli men advokatyna qatysty sot talqylaýy bastaldy

<p>ASTANA. KAZINFORM &ndash; Astananyń qylmystyq ister jónindegi mamandandyrylǵan aýdanaralyq soty burynǵy Mádenıet jáne sport mınıstri Arystanbek Muhamedıulynyń áıeli men zańgerine qandaı aıyp taǵylǵanyn aıtty.&nbsp;</p>

«Arystanbek Muhamedıulynyń áıeline para berýdegi deldaldyq, al advokatyna — asa iri mólsherdegi alaıaqtyq jasady degen aıyp taǵyldy. Sot talqylaýy keshe bastaldy. Sot aktisi jarııalanǵan ýaqytta resmı aqparat qosymsha usynylady», — dep jaýap berdi sot agenttik tilshisiniń saýalyna.

Aıta keteıik, Arystanbek Muhamedıuly men onyń sybaılastaryna qatysty jańa is aıasynda sot talqylaýy jalǵasýda. Sotta eki epızod — «Dıplomat» qonaqúıin tartyp alý jáne «Altyn adam sherýi» kórmesin ótkizý kezinde bıligin asyra paıdalaný, reıderlik áreket qaralyp jatyr.

Byltyr 20 maýsymda sot úkimimen A.Muhamedıuly 8 jylǵa bas bostandyǵynan aıyrylǵan edi.