Arystanbek Muhamedıulyna tıesili sport mektebi memleketke qaıtaryldy
Prokýratýranyń málimetinshe, Almaty qalasy Jetisý aýdany prokýratýrasynyń talap-aryzy boıynsha quny 1,2 mlrd teńge bolatyn memlekettik múlik qaıtaryldy.
«Osy jyldyń 17 shildesinde Almaty qalasynyń mamandandyrylǵan aýdanaralyq ekonomıkalyq sotynyń sý jáne qoldanbaly sport túrleri boıynsha Respýblıkalyq joǵary sport sheberligi mektebin satý jónindegi mámileni jaramsyz dep taný týraly sheshimi zańdy kúshine endi»,- delingen qadaǵalaý organynyń habarlamasynda.
Cotta nysannyń naryqtyq qunyn 551 mln teńgege tómendetý kórinis tapqan zań buzýshylyqtar rastaldy.
Ákimshilik ǵımarattardyń, sport zaldarynyń jáne basqa da qurylystardyń 7,6 myń m2, sondaı-aq 4,9 ga jerdi quraıtyn mekteptiń múlkine, A. Muhamedıulymen affılıırlengen tulǵalarǵa tıesili «Nomad's Land» JShS ıelik etken.