Arhıv salasy túgel tsıfrlandyrylady – Mádenıet mınıstri

<p>ASTANA. KAZINFORM - Ortalyq memlekettik arhıv janynan 700 myń saqtaý orny bar jańa arhıv qoımasy salynady jáne &laquo;Qujattardyń biryńǵaı elektrondyq arhıvi&raquo; aqparattyq júıesi qosylady. Bul týraly QR Mádenıet jáne aqparat mınıstri Aıda Balaeva aıtyp berdi.&nbsp;</p>

«Jádiger qujattardy saqtap, baptaý – bizdiń urpaqtyń enshisindegi qasterli paryz. Osy rette Ortalyq memlekettik arhıv janynan 700 myń saqtaý ornyna arnalǵan arhıv qoımasyn salý josparlanyp otyr. Qazir jobalyq-smetalyq qujattama ázirlenip, memlekettik saraptamadan ótýde. Degenmen, arhıv salasyndaǵy basty mindet – olardy túgel tsıfrlandyrý. Bul jumys qarqynyn edáýir údetemiz jáne bul meniń mınıstr retindegi eń birinshi qoıyp otyrǵan talabym», - dedi A. Balaeva Qazmedıa ortalyǵynda mınıstrliktiń alqa otyrysynda.

Mınıstr jahandyq tsıfrlandyrý protsessi arhıv salasyn da aınalyp ótpegenin atap ótti. 

«Osy oraıda «Qujattardyń biryńǵaı elektrondyq arhıvi» aqparattyq júıesi ázirlendi. Búginde bul júıege 1 591 uıym qosyldy. Ótken jyly aqparattyq júıe 103 talappen tolyqtyrylyp, jańǵyrtyldy. Bıylǵy josparǵa sáıkes memlekettik jáne jergilikti atqarýshy organdar elektrondy qujattardy memlekettik saqtaýǵa tapsyrady», - dedi A. Balaeva. 

Sonymen birge barlyq vedomstvo men júıelerdiń kitaphanalaryna Qazaqstandyq ulttyq elektrondyq kitaphana kezeń-kezeńimen engiziledi. Bıylǵy birinshi toqsanda pılottyq jobaǵa qosylatyn 2 oblystyq kitaphana bar.