Arhımed Muhambetov jergilikti teatr ártisterimen kezdesti

QOSTANAI. QazAqparat – Búgin oblys ákimi Arhımed Muhambetov Іlııas Omarov atyndaǵy Qostanaı oblystyq qazaq drama teatryna baryp, ujymdy 20 jyldyq mereıtoıymen quttyqtady, dep habarlaıdy QazAqparat oblys ákiminiń baspasóz qyzmetine silteme jasap.

Óner ordasy 2000 jyldyń 14 qyrkúıeginde Elbasy Nursultan Nazarbaevtyń qatysýymen ashylǵan bolatyn.

Bul týraly óńir basshysy jergilikti akterlermen kezdesý barysynda da aıtty.

Arhımed Muhambetov pen oblystyq mádenıet basqarmasynyń basshysy Erlan Qalmaqov teatr janyndaǵy mýzeıge bas suqty.

Munda tarıhı jádigerler men teatr tynysyn kórsetetin qundy muralar saqtalǵan.

«Osy ýaqyt ishinde teatrdyń shyǵarmashylyq ujymy kórermenderin mazmundy repertýarymen qýantyp keledi. Ár jyldary respýblıkalyq, halyqaralyq festıvalderge qatysyp, el aýmaǵynda jáne shetelderde gastroldik saparmen bolyp qaıtty. Teatr ujymyna aldaǵy ýaqytta da zor shyǵarmashylyq tabystar tileımin!» - dedi oblys basshysy.

Kezdesý aıasynda Arhımed Muhambetov teatrǵa eńbegi sińgen ártisterge marapattar tapsyrdy. Atap aıtqanda, «Mádenıet salasynyń úzdigi» tósbelgisi Meıram Japarov, Baqytjan Tańatqanuly, Oljas Begaıdarov, Azamat Shúkeev, Gúlnar Shaımerdınovaǵa,

«Eńbek ardageri» medali Marǵaısha Sabyrjanovaǵa berildi. QR Mádenıet jáne sport mınıstrliginiń Qurmet gramotasyn

Shaharbaný Esenǵulova, QR Mádenıet jáne sport mınıstrliginiń alǵys hatyn Móldir

Qubash, Nurlybek Kenjahmetov, Bahytkúl Hamıtqyzy aldy. Teatrdyń birneshe qyzmetkerine oblys ákiminiń gramotasymen nagradtaldy.

Sonymen qatar teatr ujymyna gastroldik saparlardy uıymdastyrý úshin avtobýs satyp alýǵa arnalǵan sertıfıkat tapsyryldy.