Arhımed Muhambetov Prezıdent synyna jaýap berdi

NUR-SULTAN. QazAqparat - Búgin Ortalyq kommýnıkatsııalar qyzmetindegi baspasóz máslıhaty barysynda Qostanaı oblysynyń ákimi Arhımed Muhambetov óńirde koronavırýs ınfektsııasynyń jańa jaǵdaılaryn jasyrý faktisine qatysty túsinikteme berdi, dep habarlaıdy QazAqparat tilshisi.

Taıaýda Memleket basshysy Qasym-Jomart Toqaev Shyǵys Qazaqstan, Qostanaı, Soltústik Qazaqstan, Pavlodar, Aqmola syndy birqatar oblysta koronavırýs ınfektsııasynyń jańa jaǵdaılaryn jasyrý faktisi oryn alǵanyn aıtqan bolatyn. Osy máselege qatysty túsinikteme bergen óńir basshysy árbir jekelegen jaǵdaı zerdelenetindigin aıtady.

«Ázirshe, esepke alynbaı qalǵan 50-den astam jaǵdaı bar. Bul kórsetkish ózgerip, ósýi nemese tómendeýi múmkin. Sol sebepti jumys júrgizilip jatyr. Birinshi sebebi - zertteý júrgizetin zerthanalar nátıjelerdi Sanıtarııalyq-epıdemıologııalyq baqylaý departamentine kesh beredi. Sondyqtan ol sol kúnniń esebine alynbaı kelesi kúnge jazylady. Ekinshi sebebi - KVI-diń oń nátıjesi shyqqan adamdarda negizinen teris nátıje kórsetken. Osyǵan baılanysty daýly jaǵdaı týyndady», - dedi oblys basshysy.

Onyń aıtýynsha, atalǵan adamdar, olarmen baılanysta bolǵan adamdar baqylaýǵa alynyp, oqshaýlanǵan.

«Bul oraıda barlyq másele baqylaýda tur. Biz qyzyl aımaqtamyz. Degenmen, sońǵy kúnderi tómendeý baıqalyp otyr», - dedi Arhımed Muhambetov.