Arhımed Muhambetov 21 kópbalaly anaǵa qurmet kórsetti
Oblys ákimi óziniń quttyqtaý sózinde áıelderdiń aýmaq ómirindegi rólin atap ótti.
«Áıelder merekesi qarsańynda ózderińizdi quttyqtaǵymyz keledi. Qazaqstanda áıelder men olardyń bastamalaryn qoldaý boıynsha barlyq jaǵdaılar jasalǵan. Oblystyń saıası, áleýmettik-ekonomıkalyq, mádenı ómirine belsendi aralasatyn qyz-kelinshekterdiń jetistikterin maqtanyshpen aıtamyz. Búginde oblys aımaǵynda 6,3 myńnan astam anaǵa joǵary marapat kórsetildi», - dedi Arhımed Muhambetov.
Jalpy Qostanaı oblysynda 1588 ana «Altyn alqa» ıegeri bolsa, 3469 ana «Kúmis alqa» taǵynǵan. Sonymen qatar 1277 adamǵa 1 jáne 2 dárejeli «Batyr Ana» ataǵy berilgen.
Oblys basshysy kezdesý barysynda 21 anaǵa «Altyn alqa» jáne «Kúmis alqa» marapaty usynyp, baǵaly syılyqtar tapsyrdy. QR Qasym-Jomart Toqaevtyń Jarlyǵyna sáıkes, Qostanaı oblysyndaǵy 47 kóp balaly anaǵa qurmet kórsetilip, arnaıy nagrada tabystaldy.
«Kez kelgen memlekettiń bolashaǵy – onyń sanaly urpaǵy. Búgingi bala – bolashaq Qazaqstannyń jandy beınesi. Ómir alma-kezek qoı, búgin kópbalaly otbasylardan shyqqan balalardy memleket qoldasa, erteń-aq sol balalar óziniń týǵan eline, Otanyna adal qyzmet etip, talmaı ter tógedi. Men buǵan senemin», - dedi «Kúmis alqa» ıegeri Aınagúl Qapsabyrova.