Arhımed Muhambetov 103 jastaǵy ájeni 8 naýryz merekesimen quttyqtady

QOSTANAI. QazAqparat — Qostanaı oblysynyń ákimi Arhımed Muhambetov Fedorovskıı aýdanyna barǵan jumys sapary kezinde 103 jastaǵy turǵyn Ganımýrýı ıÝldashevany merekemen quttyqtady, dep habarlaıdy QazAqparat tilshisi óńir basshysynyń Instagram paraqshasyna silteme jasap.

«Keshe sapar barysynda 2020 jyldyń 31 jeltoqsanynda 103 jasqa tolǵan Fedorovka aýylynyń turǵyny ıÝldasheva Ganımýrýı hanymdy kóktem merekesi – Halyqaralyq áıelder kúnimen quttyqtadym. Jeti balany ósirip, ǵumyryn temirjoldaǵy jumysqa arnaǵan Ganımýrýı apaı jasy ulǵaıǵanyna qaramastan kúsh-qýaty tasyp tur, mereke aldynda bizdiń quttyqtaýymyzdy qýana qabyldady», - dep atap ótti ákim óziniń postynda.

Sondaı-aq ákim issapar kezinde arnaıy áleýmettik qyzmet kórsetetin Peshkovskıı ortalyǵyna bardy.

«Jańa monsha-kir jýý kesheniniń qurylys jobasymen tanysyp, kelýshilerge azyq-túlik alýǵa, onyń ishinde et, ósimdik maıy, makaron jáne jarma, sondaı-aq kondıterlik ónimder, sheker, jemis-jıdek pen kókónis, sýsyn alýǵa arnalǵan, jalpy somasy 2 000 000 teńge bolatyn sertıfıkattar tabystadym», - delingen habarlamada.

Arhımed Muhambetov mundaı bastamany basqa óńirlerde de jalǵastyrý týraly usynys aıtty.