Arhıepıskop Tomash Peta qazaq halqyna rızashylyǵyn bildirdi

NUR-SULTAN. QazAqparat – Rım-katolık arhıeparhııanyń arhıepıskop-mıtropolıti Tomash Peta qazaq halqyna rızashylyǵyn jetkizdi, dep habarlaıdy QazAqparat tilshisi.

«2021 jyl - Qazaqstan Táýelsizdiginiń 30 jyldyq mereıtoı jyly. Táýelsizdiktiń osy 30 jyldyǵyn atap óte otyryp, biz sol ýaqyt aralyǵynda júrip ótken jolymyzda qandaı jaqsylyqtar bolǵanyna kóz júgirtkimiz keledi. Táýelsiz Qazaqstan Parlamentiniń eń birinshi qabyldaǵan zańdarynyń biri - dinı senim bostandyǵy jáne dinı birlestikter týraly zań bolǵanyn atap ótken jón. Bul dinı qaýymnyń damýyna, shirkeýlerdi, monah úılerin salýǵa múmkindik berdi. Osy ýaqyt ishinde katolıkter Qaraǵandy qalasynda Qudaı ana Fatımskaıa kafedraldy shirkeýinen bastap kóptegen dinı nysandar saldy. Bul nysan óte keremet salynǵan. Munan ózge de nysandar bar», - dedi ol.

Osy rette Tomash Peta Qazaqstannyń búkil katolıkteri úshin Rım Papasy Ioann Pavel ІІ-niń elimizge saparlaýy mańyzdy oqıǵa bolǵanyn atap ótti.

«Qazaqstan Táýelsizdiginiń 10 jyldyǵynda Rım Papasy elordamyz Astanaǵa saparmen keldi. Katolıkter úshin bul memlekettik sapar dindar basshysynyń sapary sanalady 2001 jyldyń qyrkúıeginde alańǵa jınalǵan adamdardyń «Áýlıeni kórgimiz kelgendikten keldik»dep aıtqandary áli esimde. Rım Papasy óz úndeýlerinde tek qana katolıkterge ǵana emes, sonymen birge búkil qoǵamǵa, Qazaqstannyń bıligine júgindi. Bılikke «halyqtar, qurlyqtar, dinder, mádenıetter arasyndaǵy kópir bolýy tıis aıryqsha mıssııa bar ekendigin» aıtty. Qazaqstan bıligi, ásirese, QR Tuńǵysh Prezıdenti – Elbasy Nursultan Nazarbaevtyń Rım Papasynyń osy júzderin júregine óte jaqyn alǵanyn atap ótkim keledi»,- dedi Tomash Peta.

Osy rette arhıepıskop 2003 jyly Elbasy Nursultan Nazarbaev Álemdik jáne dástúrli dinder kóshbasshylarynyń birinshi sezin uıymdastyrǵanyn eske saldy.

«Sol ýaqyttan beri 6 sezd ótti. Endi mine 7-shi sezge daıyndyq júrgizilip jatyr. Qudaı qalasa sezge daıyndyq jónindegi hatshylyqtyń otyrysy ótedi», - dedi ol.

Onyń atap ótýinshe, Rım Papasy elimizge sapary aıasynda Soltústik Qazaqstan oblysynda ornalasqan Ózernoe aýylyna bardy.

Bul aýylda Qazaqstandaǵy katolıkter úshin qasıetti sanalatyn «Ana men Otan» alańy bar. Atalǵan alań búginde búkil álemge tanymal.

Dál osy aýylda «Qazaqstan juldyzy» altari ornalasqan. Onda sońǵy 2 jyl boıy jergilikti jamaǵat ókilderiniń biri tańerteńnen keshke deıin minájat etedi.

Sóz sońynda Tomash Pet qazaq halqyna rızashylyǵyn bildirdi.

Aıta keteıik, 6 qazanda Nur-Sultan qalasynda álemdik jáne dástúrli dinder kóshbasshylarynyń 7-sezi ótedi.