Túrkııanyń ejelgi qalasynan 2 myń jyl burynǵy kóz boıaýy men betke jaǵatyn dalap tabyldy

<p><span style="font-family: sans-serif; font-size: 18px;">Arheologtar Túrkııanyń Kútahııa provıntsııasyndaǵy kóne Aızanoı qalasynda júrgizilgen qazba jumystary kezinde 10 túrli-tústi sırek kezdesetin makııaj ónimderin, sondaı-aq shashqa arnalǵan aksessýarlar men zergerlik buıymdardy tapty, dep habarlaıdy <a href="https://kaz.inform.kz/" target="_blank" rel="noopener">QazAqparat</a>&nbsp;</span><a style="padding: 0px; margin: 0px; font-size: 18px; font-family: sans-serif;" href="https://arkeonews.net/archaeologists-find-2000-year-old-eyeshadow-and-blush-in-ancient-roman-city-of-aizanoi/" target="_blank" rel="noopener">Arkeonews&nbsp;</a><span style="font-family: sans-serif; font-size: 18px;">saıtyna silteme jasap.</span></p>

Aızanoı qalasy Batys Anadolyda, Kútahııa provıntsııasynan ońtústik-batysqa qaraı 48 km jerde ornalasqan.

Qalany 1824 jyly eýropalyq saıahatshylar ashqan jáne 1830-1840 jyldary zerttelgen. Aızanoıdaǵy ǵylymı qazba jumystaryn 1926 jyly nemis arheologııalyq ınstıtýtynyń tapsyrmasy boıynsha D.Krenker men M.Shede bastaǵan. Qazir qazba jumystaryn Dýmlýpynar ýnıversıteti júrgizip jatyr.

Aızanoı - Rım dáýirindegi eń mańyzdy qalalardyń biri. Onda áli kúnge deıin saqtalǵan Zevs ǵıbadathanasy, stadıon-teatr kesheni jáne bazar (matsellým) bar.

Kútahııa provıntsııasynyń bılik ókilderi men Dýmlýpynar ýnıversıteti birlesip júrgizgen qazba jumystary Zevs ǵıbadathanasynyń shyǵysyna júrgizildi, dep habarlady Dýmlýpynar ýnıversıtetiniń arheologııa fakýltetiniń jetekshisi professor Gekhan Djoshkýn.

Arheologtar kóne qalanyń bazar alańynan 2000 jyldan astam tarıhy bar dúkenderdi qazý barysynda kosmetıka jáne zergerlik buıymdar dúkeniniń qaldyqtaryn tapty. Belgili bolǵandaı, dúkende parfıýmerııa, zergerlik buıymdar men kosmetıka satylǵan. Oqıǵa ornynan parfıýmerlik qutylar, zergerlik buıymdar men kosmetıka tabyldy.

«Ejelgi rımdikter opa-dalaptardy ulý qabyrshyǵynda saqtaǵany burynnan belgili, biz qazba jumystary júrgizilgen dúkenderden kóptegen ulý qabyrshyqtaryn taptyq», - dedi Djoshkýn.

Professor arheologtardyń 10 túrli-tústi makııaj ónimderin, sondaı-aq shashqa arnalǵan aksessýarlar men zergerlik buıymdardy tapqanyn aıtty.

Bul jerde qazba jumystary 1970 jyldan beri turaqty jalǵasyp keledi.