ASTANA. KAZINFORM - Qazaqstan quramasy 3-4 aqpan kúnderi Rosarıo qalasynyń topyraq tósenishindegi korttarynda Argentına quramasymen Devıs kýboginiń irikteý matchyn ótkizedi.
Qazaqstan tennıs federatsııasynan málim etkenindeı, ıÝrıı Şýkın bastaǵan bapkerler quramasy Aleksandr Býblıktiń olımpıada joldamasyn alýyna basymdyq berý jóninde sheshim qabyldady.
Qazaqstannyń birinshi raketkasy osy aptada Monpele (Frantsııa) týrnırinde oınaıdy. Eger osy dodada sátti óner kórsetse, Parıj olımpıadasyna qatysý múmkindigi ulǵaıady.
Sonymen qatar Argentınamen matchqa Beıbit Juqaev qatyspaıtyn boldy. Ol jýyrda Aýstralııadaǵy jarysta jaraqat alyp qaldy.
Osylaısha, Rosarıoda el namysyn álemniń 176-raketkasy Denıs Evseev, sondaı-aq Tımofeı Skatov, Dmıtrıı Popko jáne juptyq synda álemdik reıtıngide 48-orynda turǵan Aleksandr Nedovesov qorǵaıdy.
Eske sala keteıik, budan buryn Elena Rybakınanyń álemdik reıtıngide besinshi orynǵa túsip qalǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).