Argentınadaǵy fýtbol merekesi kezinde jankúıer kóz jumdy

ASTANA. QazAqparat – Argentına quramasynyń jankúıeri halyqtyq serýen kezinde kóz jumdy, dep habarlaıdy QazAqparat tilshisi.

Brıtandyq Dally Mail basylymy málim etine qaraǵanda, el quramasynyń jeńisine baılanysty merekelik serýen kezinde jankúıer ıyǵyna asyp alǵan Argentına ulttyq týyna tunshyǵyp qaıtqan.

Oqıǵa Býenos-Aıres provıntsııasynyń Baııa-Blanka qalasynda bolǵan. Marqum Sebastıan Oskar Masıel 22 jasta. Ol óziniń mototsıklimen júrgende, týdyń bir bóligi dóńgelektiń astyna túsken. Sonyń saldarynan jas jigit tunshyǵyp qaıtqan.

Qazirgi kezde tergeý amaldary júrgizilýde.

Búgin Argentına quramasy eline oraldy. Olardy jankúıerler saltanatty otshashýmen qarsy aldy. Fýtbolshylar mingen avtobýs Býenos-Aıres kóshelerimen júrip ótpekshi.

Argentına fýtbolshylarynyń altyn júldesin búkil el toılap jatyr.

Eske sala keteıik, budan buryn penaltı serııasynda Frantsııany jeńgen Argentınanyń úshinshi ret álem chempıony atanǵanyn jazǵan bolatynbyz.

Sondaı-aq Lıonel Messı Qatardaǵy álem chempıonatynyń úzdik oıynshysy boldy.

«PSJ» klýby Kılıan Mbappeni 300-350 mln eýroǵa satýǵa daıyn.

Messıdiń kýbokpen túsken fotosy jelide rekordtyq laık jınady.

Foto: AP photo