Argentınada prezıdent saılaýynda ońshyl saıasatker Haver Mıleı jeńiske jetti

<p>Argentınadaǵy prezıdent saılaýynyń ekinshi týrynda favorıt sanalmaǵan ásireońshyl saıasatker Haver Mıleı kútpegen jerden 56 paıyzdan astam daýys jınap, jeńiske jetti, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi <a href="https://www.bbc.com/russian/articles/cxe13dglz1mo" target="_blank" rel="noopener">BBC</a> jańalyqtaryna silteme jasap.</p>

Onyń qarsylasy — Ekonomıka mınıstri Serhıo Massa jeńilgenin moıyndap, jańa basshyǵa sáttilik tiledi.

«Árıne, nátıje biz kútkendeı bolmady. Haver Mıleıdi quttyqtap, oǵan sáttilik tileý úshin habarlastym, óıtkeni ol — argentınalyqtardyń basym bóligi kelesi tórt jylǵa saılaǵan prezıdent», — dedi Massa.

Mıleı «AQSh dollaryn qaldyryp, ulttyq valıýta-  pesodan bas tartýǵa» jáne «ınflıatsııa qaterli isigin» toqtatý úshin ortalyq bankti órtep jiberýge shaqyrdy. 

Ol abortqa, atys qarýyn alyp júrýge qarsylyq bildirip, Argentınanyń negizgi saýda seriktesteri — Qytaı jáne Brazılııamen qarym-qatynasty úzýge ýáde berdi.

Sondaı-aq áskerı dıktatýra qurbandary kóp bolǵanyna kúmán keltirip, klımattyń ózgerýi adam áreketinen týyndaıdy degendi joqqa shyǵardy.