Argentınada on qabatty ǵımarat qırady: zardap shekkender sany belgisiz

<p>ASTANA. KAZINFORM &ndash; Argentınanyń Vılıa-Gessel qalasynda (Býenos-Aıres provıntsııasy) seısenbige qaraǵan túni apartamenttik qonaq úı ornalasqan on qabatty ǵımarat qırady, dep habarlaıdy Kazinform <a href="https://efe.com/mundo/2024-10-29/argentina-desplome-edificio/" target="_blank" rel="noopener">EFE</a> agenttigine silteme jasap.</p>

Qaza bolǵandar nemese jaralanǵandar sany ázirge habarlanǵan joq. Ǵımarattyń qıraý sebebi de belgisiz.

Qutqarýshylar ǵımarat qulaǵan kezde ishte qansha adam bolǵany jaıly aqparat bere almady. Biraq keıbireýlerimen baılanysqa shyqqandaryn habarlady. Qazir adamdardy shyǵarý úshin úıindiler alynyp jatyr.

Qala meri Gýstavo Barreranyń aıtýynsha, ǵımarattyń irgetasy men on shaqty qabaty qıraǵan. Kórshi turǵan úıge de zaqym kelgen.

«Apartamenttik qonaq úıde qansha adam turyp jatqany týraly naqty málimet joq. Bizdiń boljamymyz boıynsha, alty-jeti adam bolýy kerek», - dedi ol.

Qazir sol jerde júzge jýyq órt sóndirýshi men tótenshe jaǵdaı qyzmetkerleri jumys istep jatyr.

Fılıppındegi Tramı daýylynan 85 adam qaza tapty.