Argentınada qatty qurǵaqshylyqtan maldar qyrylyp jatyr

ASTANA.QazAqparat – Argentınada uzaqqa sozylǵan qurǵaqshylyqtan maldar qyrylyp jatyr. Santa-Fe provıntsııasynda 4 aı boıy jańbyr jaýmaǵan, dep habarlaıdy QazAqparat Euronews-ke silteme jasap.

Osy ýaqyt aralyǵynda jergilikti sharýa qojalyqtarynyń biriniń úsh myń sıyry qyrylyp qalǵan.

Jergilikti mamandar qurǵaqshylyq jalǵasa berse, Argentınadaǵy sıyrlardyń jartysy qyrylyp qalýy múmkin degen boljam jasaýda.
«Naýryz ben sáýir aılarynda jańbyr jaýmasa, elde azyq-túlik salasynda aıtarlyqtaı qıyndyq týyndaıdy», - deıdi fermerler. Sondaı-aq qurǵaqshylyqtan elde tabıǵı órtter kóbeıgen.
Aıta keteıik, Argentınada qurǵaqshylyq úsh jyldan beri jalǵasyp keledi.

Foto: euronews.com