Argentınada alyp meteorıt tabyldy
01:02, 15 Qyrkúıek 2016
ASTANA. QazAqparat - Ótken demalys kúnderi Argentınada jer betindegi úlken meteorıttiń biri tabyldy. Ǵaryshtan kelgen alyp Býenos-Aırestiń soltústik batysyna qaraı 1 078 shaqyrym jerden qazyp alyndy. Gansedo meteorıti Jerge 4 myń jyl buryn kelip túsken degen boljam jasaldy. Bul týraly Science Alert jazady.
30 tonnalyq tas Amerıkada tabylǵan ǵalamsharlyq alyptyń ekinshisi. Alaıda ǵalymdar ázirge tolyq qorytyndy jasap úlgergen joq. Gansedony 5 myńdaı jyl buryn meteorıt jaýǵan jerden taýyp aldy. Buǵan deıin osy mańaıdan 100 tonnadan astam ǵarysh nysany tabylǵan bolatyn.
Jer betindegi eń úlken meteorıt budan júz jyl buryn Namıbııada tabylǵan Goba bolatyn.