Argentına prezıdenti Ulybrıtanııany Folklend máselesi boıynsha kelissóz júrgizýge shaqyrdy

<p>Prezıdent Haver Mıleı bastaǵan Argentınanyń jańa bıligi Londondy Folklend (Malvın) araldary egemendigin qaıtarýǵa shaqyryp, osy másele boıynsha kelissózder júrgizýdi usynyp otyr. <a href="Kazinform" target="_blank" rel="noopener">Kazinform </a>agenttigi bul týraly <a href="https://www.interfax.ru/world/938944" target="_blank" rel="noopener">Interfaks </a>aqparat agenttigine silteme jasap habarlaıdy.&nbsp;</p>

«Búgin Birikken Koroldiktiń Malvın araldaryn alǵash ret kúshtep basyp alǵanyna 191 jyl toldy; Argentına úkimeti jáne búkil qoǵam bizdiń Malvın araldaryna egemendik alý quqyǵymyzdy qorǵaıdy», - dedi baspasóz máslıhatynda úkimet ókili Manýel Adornı.

«Argentına úkimeti BUU Bas Assambleıasynyń tıisti qararlarynyń erejelerine sáıkes egemendik máselesiniń sheshimin tabýǵa múmkindik beretin ekijaqty kelissózderdi qaıta bastaýǵa daıyn ekenin taǵy qaıtalaıdy», - delingen Argentına SІM-niń saıtynda jarııalanǵan málimdemede.

«Argentına úkimeti Birikken Koroldikpen kelissózderdi qaıta bastaýǵa qolaıly senim atmosferasyn qurý maqsatynda ózara qyzyǵýshylyq týdyratyn barlyq máseleler boıynsha mazmundy jáne syndarly dıalogty qamtıtyn qarym-qatynas saqtaýdy qalaıdy», - dep qosty eldiń Syrtqy ister mınıstrliginen.

Ulybrıtanııa men Argentına arasyndaǵy Ulybrıtanııa Folklend araldary dep ataıtyn Malvın araldary, sondaı-aq eki brıtandyq teńiz aýmaǵy – Ońtústik Georgııa men Ońtústik Sandvıchev araldary úshin soǵys 1982 jyly 2 sáýirde bastalyp, 14 maýsymda Argentınanyń jeńilýimen aıaqtaldy.

Sonda da Býenos-Aıres olardy Argentına aýmaǵy dep sanaıdy.