Argentına prezıdenti Haver Mıleı kezinde ózi jarymes dep ataǵan Rım Papasymen kezdesti

<p>VATIKAN. KAZINFORM&nbsp;&mdash; Rım Papasy Frantsısk Argentınadaǵy alǵashqy áýlıe áıel Antýlýdy áýlıeler sanatyna qosty. Saltanatty rásimge Argentına prezıdenti Haver Mıleı qatysty, ol&nbsp;buǵan deıin pontıfıkti qatań synaǵan bolatyn, dep jazady <a href="https://ru.euronews.com/2024/02/11/pope-francis-first-argentian-female-saint" target="_blank" rel="noopener">Euronews.</a>&nbsp;</p>

Kanonızatsııa rásimi jeksenbi, 11 aqpanda Vatıkandaǵy Áýlıe Petr ǵıbadathanasynda ótti.

Merekelik sharaǵa Argentına prezıdenti Haver Mıleı de qatysty.

Saılaý naýqany kezinde anarhııalyq-kapıtalıstik kózqarastaǵy ol Rım Papasyn jıi synap, ony «kommýnızmdi nasıhattaıtyn» «jarymes» dep atady.

Saılanǵannan keıin Haver Mıleı rıtorıkasyn birshama tómendetti jáne shara kezinde alǵash kezdestirgen 87 jastaǵy Frantsıskpen qushaqtasyp qaýyshty.

Dúısenbide Argentınanyń saıası jáne dinı kóshbasshylary jeke kezdesý ótkizedi.

Sodan keıin Argentına prezıdenti Italııa premer-mınıstri Djordja Melonı jáne Italııa Prezıdenti Serjo Mattarellamen kelissóz júrgizedi.