Argentına bıligi qatań únemdeý saıasatyna kóshedi

<p>Argentına ulttyq valıýtanyń eki ese qunsyzdanǵanyn jáne memlekettik shyǵyndardyń qysqarǵanyn jarııalady. Ondaǵy maqsat &ndash; eldi uzaqqa sozylǵan daǵdarystan alyp shyǵý. <a href="Kazinform" target="_blank" rel="noopener">Kazinform</a> bul týraly <a href="https://ru.euronews.com/2023/12/13/argentina-economic-measures" target="_blank" rel="noopener">Euronews</a> arnasyna &nbsp;silteme jasap habarlaıdy.&nbsp;</p>

Jaqynda saılanǵan prezıdent Haver Mıleıdiń úkimeti qatań ekonomıkalyq sharalar uzaqqa sozylǵan daǵdarystan shyǵýǵa kómektesedi dep esepteıdi. Pesonyń dollarǵa qatysty resmı baǵamy qazirgi 366-dan 800-ge deıin tómendeıdi. 

Bılik sondaı-aq mınıstrlikterdiń sanyn, energetıka jáne kólik sýbsıdııalaryn qysqartyp, memleket qarjylandyratyn ınfraqurylymdyq jobalardy toqtatpaqshy. Ekonomıka jáne qarjy mınıstri bul josparlardy júzege asyrý qıynǵa soǵatynyn eskertti. 

- Birneshe aıdan keıin jaǵdaı qazirgiden de qıyndaı túsýi múmkin. Ásirese ınflıatsııa boıynsha. Muny aıtyp otyrǵan sebebim, prezıdent aıtqandaı, tátti ótirikten aşy shyndyq artyq, - dedi Argentınanyń ekonomıka mınıstri Lýıs Kapýto. 

Halyqaralyq valıýta qory Argentına bıliginiń bul áreketin quptap, bul eldiń qaryzy boıynsha kelissózder júrgizýge jaqsy negiz bolatynyn aıtty. 

Búgingi tańda Argentınada kedeılik deńgeıi shamamen 45%-dy quraıdy. Jyldyq ınflıatsııa 150%-ǵa jaqyndap qaldy.