Argentına – 16 dúrkin Copa America jeńimpazy

<p>ASTANA. KAZINFORM &ndash; AQSh jerinde ótken Copa America týrnıriniń fınalynda Argentına quramasy Kolýmbııany 1:0 esebimen jeńip, óz qurlyǵynda kimniń myqty ekenin taǵy bir márte dáleldeı tústi. Buǵan deıin 2021 jyly ótken týrnırde argentınalyqtar aqtyq synda Brazılııadan basym túsken bolatyn.</p>

Kezdesýdiń negizgi bóliginde birde-bir dop soǵylmaı, oıyn overtaımǵa ulasty. Jankúıerler «jeńimpaz penaltı serııasynda anyqtalatyn shyǵar» dep otyrǵanda 112 mınýtta Laýtaro Martınes jeńis dobyn soǵyp, argentınalyqtarǵa jeńis syılady.

Osylaısha, Argentına rekord jańartyp, bul týrnırdi kóp utqan qurama retinde tarıhqa ózgeris engizdi. Bul dúbirli dodada ár jyldary Ýrýgvaı 15 ret, Brazılııa 9 ret, Paragvaı, Chılı jáne Perý quramalary eki retten top jarǵanyn atap ótken jón.

Aıta keteıik Copa America týrnıri AQSh-tyń 10 shtatyndaǵy 14 stadıonda 21 maýsym men 15 shilde aralyǵynda ótti. Týrnırde 16 ulttyq qurama baq synady. 

Esterińizge salsaq, Eýropa qurlyǵynda Ispanııa quramasy top jarǵan edi.