Arendalyq baspana halyqtyń basym bóligi úshin qol jetimdi bolyp qala beredi - Q.Bıshimbaev
«Nurly jol» baǵdarlamasy boıynsha turǵyn úı qurylysy salasyn qoldaýǵa 2015 jyly 92,5 mlrd. teńge bólindi. Qazirgi ýaqytta qurylys jáne jalpy aýdany 665 myń sharshy metrdi nemese 11638 páterdi quraıtyn 65 nysandy satyp alý kelisimsharttary jasaldy. 2015 jylǵy jospar 430 myń sharshy metr nemese 7 myń páter tapsyrý. 92 mlrd. teńgeniń qazirgi ýaqytta 55,8 mlrd. teńgesi ıgerildi. Jyl sońyna deıin qosymsha 20 mlrd, teńge ıgeriledi. 2015 jyly qarjynyń jalpy ıgerilýi 92 mlrd. teńgeden 75 mlrd. teńgeni quraıdy. Bul qarjyǵa shamamen 422 myń sharshy metr turǵyn úı paıdalanýǵa beriledi nemese 2015 jylǵy jospar 6 paıyzǵa artyǵymen oryndalady. Paıdalanýǵa beriletin páterlerdiń jalpy sany shamamen 7136-y quraıdy», - dedi ol.
Q.Bıshimbaevtń atap ótýinshe, atalǵan somadan qalǵan 17,5 mlrd. teńge 2016 jyldyń birinshi toqsanynda ıgerilmek. ıAǵnı, bul qarjyǵa keler jyly 240 myń sharshy metr baspana salynatyn bolady.
«Tolyqtaı alǵanda, bizdiń baǵyt boıynsha 1 sharshy metr baspana qurylysy ortasha eseppen 123 myń teńgeni qurady. Osylaısha, arendalyq baspana halyqtyń basym bóligi úshin qoljetimdi bolyp qala bermek. Satyp alý shartymen 20 jylǵa jalǵa alý kezinde aı saıynǵy tólem Astana men Almaty qalalarynda jáne óńirlerde ortasha eseppen 1 sharshy metrine 950 teńgeni quraıdy. ıAǵnı, aýmaǵy 50 sharshy metrdi quraıtyn páterdiń aı saıynǵy jaldaý quny shamamen 45 myń teńge bolmaq», - dedi ol.