Áreketsiz salyq tóleýshiler tiziminen qalaı shyǵýǵa bolady

NUR-SULTAN. QazAqparat - Salyqtyq mindettemelerdi ýaqytyly oryndamaǵan jaǵdaıda salyq tóleýshiler áreketsiz dep tanylǵan salyq tóleýshiler tizimine enýi múmkin, dep habarlaıdy QazAqparat Memlekettik kirister komıtetine silteme jasap.

Salyq kezeńi úshin Salyq kodeksinde belgilengen tabys etý merziminen keıin bir jyl ótken soń tabys etiletin myna deklaratsııalardy tapsyrmaǵan jaǵdaıda áreketsiz salyq tóleýshi bolyp tanylady, onyń ishinde:

1) zańdy tulǵalar úshin korporatıvtik tabys salyǵy boıynsha deklaratsııa, dara kásipkerler úshin jeke tabys salyǵy boıynsha deklaratsııa;

2) zańdy tulǵalar da, dara kásipkerler de oıyn bıznesine salyq, tirkelgen salyq boıynsha deklaratsııany kórsetilgen salyq kezeńinen keıingi úsh salyq kezeńi úshin usynbaǵan jaǵdaıda;

3) zańdy tulǵalar da, dara kásipkerler de eki salyq kezeńi úshin ońaılatylǵan deklaratsııany usynbaǵan jaǵdaıda.

Salyq tóleýshi óziniń áreketsiz salyq tóleýshi tiziminde bar-joǵyn kgd.gov.kz saıtynda, «Elektrondyq qyzmetter» mázirinen «Senimsiz salyq tóleýshilerdi izdeý» bóliminde teksere alady.

Eger salyq tóleýshi osy tizimde bolsa, onda myna talaptardy oryndaý qajet:

1) salyq eseptiligin tabys etý jáne eseptelgen salyqtardy tóleý boıynsha salyq mindettemelerin oryndaý;

2) «Ákimshilik quqyq buzýshylyq týraly» Qazaqstan Respýblıkasy Kodeksiniń 272-babyna sáıkes ákimshilik materıaldy rásimdeý úshin ornalasqan jeri boıynsha Memlekettik kirister basqarmasyna kelý.

Senimsiz salyq tóleýshiler tiziminen alyp tastaýdyń jalpy merzimi - 5 jumys kúni.

Tizimnen shyǵarylǵanyn 5 kúnnen keıin «Senimsiz tóleýshilerdi izdeý» bóliminde saıttan tekserýge bolady.

Áreketsiz salyq tóleýshiler tizimindegilerdiń mynadaı saldary bar:

- QQS boıynsha esepten shyǵarý;

- seriktestik qyzmetindegi kontragentterdiń kúmándanýy;

- bankterde shot ashý jáne nesıe alý múmkindiginiń bolmaýy.

2022 jyly áreketsiz dep tanylǵandar barlyq salyq tóleýshilerdiń sany 11 180 quraıdy.