Ardaq Smaıylov Bulandy aýdanynyń ákimi bolyp taǵaıyndaldy

<p>QR Prezıdenti Ákimshiliginiń jáne aýdandyq máslıhat depýtattarynyń kelisýi boıynsha Aqmola oblysy ákiminiń ókimimen Ardaq Smaıylov Bulandy aýdanynyń ákimi bolyp taǵaıyndaldy, dep habarlaıdy <a href="Aqmola%20oblysy%20ákimdiginiń%20baspasóz%20qyzmetinen" target="_blank" rel="noopener">Kazinform</a> Aqmola oblysy ákiminiń baspasóz qyzmetine silteme jasap.&nbsp;</p>

Ardaq Dýlatuly Smaıylov 1969 jyly Almaty qalasynda týǵan. «Agronomııa», «qarjy jáne kredıt», «zańtaný» mamandyqtary boıynsha úsh joǵary bilimi bar.

1994 jylǵy tamyzdan beri keden organdarynda jaýapty qyzmetter atqardy.

2015 - 2017 jyldary Almaty oblysy ákiminiń apparatynda taldaý bólim meńgerýshisi, 2020 jylǵy qazanǵa deıin Almaty oblysy ákiminiń keńesshisi bolyp istedi.

2020 - 2022 jyldary - Býrabaı aýdany ákimi apparatynyń basshysy. 2022 jylǵy qyrkúıekten beri Bulandy aýdany ákiminiń orynbasary laýazymyn atqardy.

Aıta ketsek, budan buryn Aqmola oblysynyń Polıtsııa departamentinde birqatar kadrlyq aýys-túıis bolǵanyn jazǵan edik.