Ardagerlerge kómek kórsetýge negizdelgen málimetteri bar Internet-saıt iske qosylady

ASTANA. QazAqparat - Qazaqstanda Uly Otan soǵysy ardagerleri qajettiligi kartasymen Internet-saıt qurylady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte Eýrazııalyq medıaforýmnyń bas dırektory Rýslan Jemkov málim etti.

Belgili bolǵandaı, atalǵan karta QR Densaýlyq saqtaý jáne áleýmettik damý mınıstrliginiń qoldaýymen qoǵamdyq uıymdarmen birlese jasalady.

«Biz barlyq ardagerlerdiń málimetter bazasyn, ıaǵnı biryńǵaı katalogty qurýdy uıǵardyq. Onda qart maıdangerlerdiń eńbegin qamtymaqpyz. Atap aıtqanda ardagerlerge kómek kórsetýge nıetti árbir adam úshin barlyq málimetterdi sanattarǵa bólip, retke keltirip qoıamyz», - dedi ol.

Osy oraıda R. Jemkov bul joba ashyq iske asyrylatynyn jáne bunyń aıasyndaǵy barlyq sharalar boıynsha esep beriletindigin jekizdi. Qazaqstannyń «Ardagerler uıymymen» birge qarjynyń ıgerilýine monıtorıng pen baqylaý júrgiziledi.